«Замин»ни Telegram’да ўқинг! Join!
Zamin.uz
, 27 2021, 17:19
ЎЗO‘Z

Марказий банк яқин вақт ичида пул ўтказмалари ва валюта курси билан боғлиқ вазият қандай бўлишини маълум қилди

02 мая, 10:36 2 783 Иқтисодиёт
«Замин»ни Telegram’да ўқинг!
Марказий банк яқин вақт ичида пул ўтказмалари ва валюта курси билан боғлиқ вазият қандай бўлишини маълум қилди Марказий банк томонидан "2020 йилнинг I чораги учун пул-кредит сиёсати шарҳи" тақдим этилди. Шарҳда пул-кредит шароитлари, ташқи ва ички иқтисодий вазиятлар ва прогнозлар, инфляция даражаси ва инфляцион кутилмалар ҳақида маълумот ва таҳлиллар келтирилган.

Қайд этилишича, асосий савдо-ҳамкор давлатларда иқтисодий фаолликнинг пасайиши Ўзбекистонга валюта оқими ҳажмига таъсир кўрсатади.
Марказий банк ҳисоб-китобларига кўра, ташқи иқтисодий шароитларнинг Ўзбекистонга пул ўтказмаларининг камайишига салбий таъсири 2020 йилнинг II чорагидан бошлаб тўлиқ намоён бўла бошлайди ва уларнинг ҳажми йил охирига қадар ўтган йилга нисбатан паст бўлади.

Дастлабки ҳисоб-китобларга кўра, трансчегаравий пул ўтказмалари ҳажми ўтган йилга нисбатан 30-35 фоизга қисқаради. Бунда, апрель-июль ойларида пул ўтказмаларининг камайиши (ўтган йилнинг мос даврига нисбатан ойлик) 50 фоизга етиши мумкин ва кейинчалик босқичма-босқич тикланиш кузатилади.

Жорий йилнинг апрель ойида пул ўтказмалари ҳажми 2019 йилнинг мос ойига нисбатан 50 фоизга камайди. Бироқ, жорий йил апрелда пул ўтказмалари ҳажмининг ҳафталик таҳлилида, апрелнинг учинчи ҳафтасидан бошлаб маълум бир тикланиш қайд этила бошлади.

Жорий йилнинг март ойидан бошлаб, асосий савдо ҳамкорлар валюталарининг қадрсизланиши ва асосий хомашё товарлари нархларининг пасайиши шароитида, экспорт ва пул ўтказмаларидан валюта тушумлари сезиларли даражада пасайди. Айни пайтда, республикада паст иқтисодий фаоллик шароитида импортга бўлган талабнинг сезиларли ўсиши кузатилмади.

Апрель ойининг дастлабки 3 ҳафтасида доллар алмашув курси ўртача 6,7 фоизга ўсди. Бунга, ўз навбатида, ички валюта бозорида алмашув курсининг маълум даражада тўғриланиши сифатида қараш мумкин”, - дейилади шарҳда.

Сўм алмашув курсидаги мазкур тўғриланиш жорий йил март ойида асосий савдо ҳамкорларимиз миллий валюталарининг қадрсизланиши натижасида юзага келган реал эффектив алмашув курси тафовутининг ёпилишига хизмат қилди.

Бундан ташқари, жорий йил апрелдан бошлаб асосий савдо ҳамкорлар валюталари курслари қадри бироз ошиб, нисбатан барқарор динамикани кўрсатмоқда.

Қисқа муддатли истиқболда фундаментал омиллар томонидан сўмнинг номинал алмашув курсига девальвацион босимнинг юзага келиши кутилмаяпти, дейилган маълумотда.



Мавзуга оид янгиликлар
  • «Payme» акцияларини сотиб олган Грузия банки Ўзбекистонга кириб келди 20 апр, 17:10
  • «Deutsche Bank»: «кучли» ва «кучсиз» валюталар 29 сен, 06:00
  • «Ravnaq Bank» 70 млрд сўмлик акцияларини очиқ савдога чиқарди 26 июн, 17:17
  • Ўзбекистон Марказий банки 3та банкнинг лицензияларини қайта расмийлаштирди 08 сен, 10:42
  • «Универсал банк»ка хорижий валюталарда операцияларни ўтказишга лицензия берилди 03 июл, 17:36
  • Озарбайжон пойтахтида валюта сотиш тўхтатиб қўйилди 22 фев, 16:23
  • Сўнгги янгиликлар
  • «Илҳақ» фильми Беларусдаги халқаро кинофестивалда иккита йирик мукофотни қўлга киритди 27 ноя, 16:56 0
  • Усмон Юсуповни олиб юрган Mercedes-Benz 770K – Ҳитлернинг автомобили Ўзбекистонга қандай келиб қолган эди? 27 ноя, 16:19 0
  • Самвел Бабаян 2022 йилда «Навбаҳор» бош мураббийига айланади 27 ноя, 15:51 45
  • 2021 йилда энг кўп сотилган смартфонлар аниқланди 27 ноя, 15:28 87
  • Ҳазм жараёни учун зарарли бўлган маҳсулотлар 27 ноя, 15:00 55
  • Англия грандлари зўр тўпурарни чақиряпти 27 ноя, 14:44 122
  • Якунда иккинчи ва учинчи ўрин кимга насиб этади? Ўтиш баҳсида қайси жамоа ўйнайди? - Мурод Ризаевнинг тахмини 27 ноя, 14:30 131
  • Ўзбекистонда коронавируснинг тўртта штамми аниқланган 27 ноя, 14:04 166
  • Левандовски яна Мессини ортда қолдирди 27 ноя, 13:46 171
  • Алишер Усмоновга тегишли компания «Капиталбанк» акцияларини сотиб олди 27 ноя, 13:13 196
  • Жалолиддин Машарипов ўз позициясида Осиёда етакчи! 27 ноя, 12:50 209
  • “Ньюкасл” маошини эшитган “Барса” юлдузи кетишга шайланиб қолди 27 ноя, 12:25 279
  • Бўлимлар