SARS-CoV-2 га қарши вакцина пайдо бўлмаса, коронавирус эпидемиясининг иккинчи тўлқини келиб чиқиши мумкин, фақат у биринчисига қараганда кучсизроқ бўлади. Бу ҳақда РФА академиги Сергей Недоспасов «Парламент газетаси»га берган интервьюсида айтиб ўтган.Унинг сўзларига кўра, эпидемиянинг иккинчи тўлқини қачон бошланишини олдиндан айтишнинг иложи йўқ. Чунки бу соғлиқни сақлаш тизими, коронавируснинг ўзига хос хусусияти ва популяциясига боғлиқ.
Агар Ер юзининг аксар аҳолисида иммунитет шаклланса, вирус мағлуб бўлади. «Мазкур «коллектив эффект» натижасида ҳатто иммунитети йўқ одам ҳам ҳимояланади — вирусга дуч келиш эҳтимоли ҳаддан ташқари камаяди», — дея изоҳлайди мутахассис.
Недоспасовнинг фикрича, классик вирусли инфекцияда антитанача тахминан бир-икки ҳафтадан сўнг ҳосил бўлади, бироқ уларнинг организмдаги яшаш муддати кўпгина омилларга боғлиқ. Вакцинацияда антитанача ўн йил ёки ҳатто бутун умрга шаклланиши мумкин.