Америкаликлар фарзандларига автомобиль шарафига исм қўя бошлади: Lexus, Bentley ва Nissan

^{Фото: Pixabay}
АҚШ маълумотларни қайд этиш базасида автомобиль маркалари шарафига номланган кўплаб болаларнинг исмлари аниқланди. Улар орасида энг машҳурларидан бири — Bentley бўлиб, қизларга Lexus ёки Tesla деб исм қўйишган, деб хабар беради Motor.

Choose My Car порталининг маълумотларига кўра, «автомобиль исмлар» модаси 2000 йилда бошланган. Таъкидланишича, ўша йили АҚШда 42 388 нафар Bentley, 29 нафардан Nissan ва Jaguar, 7 нафар Mercedes, 6 нафар Cadillac ва беш нафар Subaru дунёга келган. Гап фақат ўғил болалар ҳақида кетмоқда. Сўнгги 20 йил ичида 2910 нафар қизалоққа Lexus деб исм қўйилган бўлса, 2209 нафарига — Bentley, 1395 нафари Tesla исмини олган. Шунингдек, улар орасида Audi (133), Аston (55) ва Ferrari (23) ҳам бор. Кам ҳолларда фарзандларига McLaren (13), Ford (11) ва Mini (5) деб исм қўйишган.

Автомобиль номларини исм сифатида қўйиш британияликларда ҳам машҳурликка эришган. Буюк Британияда ўтган давр мобайнида болаларга Аston (2840 нафар), Bentley (1330), Kia (107 — барчаси ўғил болалар), Dodge ва McLaren (учтадан) исмлари қўйилган. 1470 нафар қизалоққа Кia исми қўйилган. Бундан ташқари, Буюк Британияда камида учта Тriumph ҳам истиқомат қилиб келмоқда.