«Замин»ни Telegram’да ўқинг! Join!
Zamin.uz
, 06 2020, 13:34
ЎЗO‘Z

Саудия Арабистони Ўзбекистонни Умрага борувчилар учун хабга айлантирмоқчи

19 фев, 23:53 7 126 Ўзбекистон
«Замин»ни Telegram’да ўқинг!
Саудия Арабистони Ўзбекистонни Умрага борувчилар учун хабга айлантирмоқчи Фото: «Дарё»
Ўзбекистонда Hidaya Airlines номли янги авиакомпания очилиши режалаштириляпти. Ушбу авиакомпания Ўзбекистон ва Саудия Арабистони ўртасида Умра сафари учун бевосита парвозларни ҳамда «Умра+» дастури бўйича Индонезия, Ҳиндистон, Малайзия, Бангладеш каби давлатлардан Умра зиёратига борувчиларнинг Ўзбекистон орқали парвоз қилишларини таъминлайди. Бу ҳақда 19 февраль, чоршанба куни, Тошкентда ўтказилган Uzbekistan Airports, Aviation & Logistics Forum (UAALF-2020) халқаро авиация форумида маълум қилинди, дея хабар берди «Дарё».

Тадбирда Саудия Арабистонидаги Al Hidaya Global Group компанияси директори Солиҳ Солим Баҳвиний сўзга чиқиб, янги авиакомпания лойиҳаси тўғрисида ўз фикрларини билдирди.

«Мазкур халқаро форумга дунё авиация бозори ва янги ғоялар билан танишиш мақсадида ташриф буюрдик. Шунингдек, ўзимиз ҳам бир қанча лойиҳамиз билан келдик. Юртингизда «Умра+» дастури ва тарихий туризмни ривожлантиришга катта талаб бор. Шу боис ҳам ўз лойиҳамиз орқали «Умра+» саёҳатини йўлга қўймоқчимиз. Бу лойиҳа Ўзбекистондаги диний маҳкама билан амалга оширилади.

Биласизлар, кўплаб мусулмонлар Умрага боришни ният қилади ва шунга интилади. Статистикага кўра, 2019 йил 1 сентябридан 2020 йилнинг 16 январигача Покистондан 600 минг, Индонезиядан 5 мингдан ортиқ, Ҳиндистондан 450 мингдан зиёд, Ўзбекистондан 800 минг киши Умра зиёратига борган. Саудия Арабистони ҳукумати бу кўрсаткични 2030 йилгача 30 миллионга етказишни мақсад қилган.

Компаниямиз лойиҳа орқали дунёдаги мусулмонлар ва Ислом мамлакатларидан Умрага борувчилар сонини ҳамда авиакомпаниянинг йўловчи ташишини 10 фоизга оширмоқчи. Бундан ташқари, зиёратчиларнинг Ўзбекистондаги тарихий масканлар — Имом Бухорий, Термизий каби қадимий мақбараларга ҳам келишини таъминламоқчимиз.

Яъни, биз Тошкентдан хаб сифатида фойдаланиш ниятидамиз. Ҳиндистон, Индонезия, Малайзия, Бангладеш сингари мамлакатлардан Умра сафарига борувчилар Ўзбекистон орқали парвоз қилишларини ташкиллаштириш ниятидамиз. Зиёратчилар бир неча кун Бухоро ва Самарқандда бўлишиб, сўнгра Умрага парвоз қилишади. Улар ўз мамлакатларига яна хаб орқали қайтишади.

Қисқаси, Тошкент ва Самарқанд шаҳарлари бизнинг Марказий Осиёдаги хабимиз бўлади. Мазкур лойиҳа ва ҳамкорлигимизни Саудия Арабистони ҳукумати ҳам қўллаб-қувватлайди. Бундан ташқари, Ҳаж ва Умра чипталари нархини пасайтириш ҳам режамизда бор», — деди Солиҳ Солим Баҳвиний.

Мазкур бизнес лойиҳа ҳақида бош вазир ўринбосари, Туризмни ривожлантириш давлат қўмитаси раиси Азиз Абдуҳакимов шундай деди: «Бу жуда ҳам яхши ва ўринли таклиф. Al Hidaya Global Group компанияси кўп йиллардан бери Ўзбекистон Мусулмонлар идораси ва Дин ишлари бўйича қўмита билан ҳамкорлик қилиб келади. Улар Ўзбекистондаги зиёрат туризми бўйича имкониятларни ўрганиб чиқиб, бизнес таклиф билан чиқишди.

Лойиҳа натижасида йилига камида 300 минг зиёратчилар Ўзбекистонда бир неча кеча қолиб, юртимизнинг диққатга сазовор жойларини бориб кўриш имконига эга бўлишади. Компания юртимизда рўйхатдан ўтадиган авиакомпанияни ташкил этмоқчи. Уларнинг ўз самолётлари бор. Албатта, бунда Ўзбекистон иқтисодиётига фойда бўлади. Ҳозирча компания «Умра+» дастури бўйича фақат хориж фуқароларига хизмат кўрсатмоқчи».



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Ўзбекистон вертолёт ишлаб чиқарувчи Airbus Helicopters компанияси билан ҳамкорликни кенгайтирмоқчи 07 мар, 16:00
  • Ўзбекистонда 5та янги авиакомпания ташкил этилади 12 фев, 12:30
  • Ўзбекистонда «Халқаро шартномалар тўғрисида»ги қонуннинг янги таҳрири тайёрланди 03 апр, 22:12
  • Ўзбекистон ҳаж делегацияси Саудия Арабистонига жўнаб кетди 19 янв, 11:19
  • Энди Ҳаж ва Умрага илгари бормаганларгина бориши мумкин 14 янв, 23:44
  • Иккинчи Dreamliner Дубайга парвоз қилди 25 ноя, 16:14
  • Сўнгги янгиликлар
  • Самарқандда кўчада бемақсад юрган фуқароларга қарши рейд ўтказилмоқда (фото) 06 апр, 12:02 7
  • Шотландия бош шифокори карантинни бузгани учун истеъфога чиқди 06 апр, 11:38 68
  • Google коронавирусга қарши кураш учун фойдаланувчиларнинг ҳаракатланиши ҳақидаги маълумотларни тўпламоқда 06 апр, 11:22 110
  • Собиқ «Сетора»чи Феруза Instagram’да гуруҳнинг афсонавий хит қўшиғини куйлаб берди (видео) 06 апр, 11:11 103
  • Тошкент кўчалари бўйлаб «қўшиқ куйлаётган» БТР (видео) 06 апр, 10:53 550
  • Унaштиpилгaн қиз фожиаси 06 апр, 10:32 1 125
  • Ўзбекистонда коронавирусдан зарарланиш ҳолатлари 390 тага етди 06 апр, 10:16 1 015
  • Елизавета II коронавирус пандемияси муносабати билан миллатга мурожаат қилди 06 апр, 10:08 220
  • Афғонистон президентининг тансоқчиси ўлдириб кетилди 06 апр, 09:53 669
  • Ўзбекистонда қор ёғиши кутилмоқда 06 апр, 09:42 1 721
  • Коронавирус касаллиги оғир ўтишига таъсир қилувчи омиллар маълум қилинди 06 апр, 09:21 863
  • Тоғамнинг мансабига кўз тегмасин… 06 апр, 09:00 796
  • Бўлимлар