Буюк Британия Миллий статистика бюросининг маълум қилишича, мазкур мамлакатда мусулмон аҳоли сони 2019 йил охирига келиб 3,363,210 нафарга етди. Бу эса жами аҳолининг 5,9 фоизи демакдир.Ҳозирда Лондоннинг баъзи туманларида мусулмон аҳолининг улуши 50 фоиздан ошади. Агар ушбу тенденцияда давом этса, кейинги ўн йил ичида бу ерларда мусулмонлар шаҳарнинг асосий қисмига айланади, дея ёзади The Sun нашри.
2018 йилги маълумотга қараганда, Лондонда 1,26 миллионга яқин мусулмон яшайди, бу пойтахт аҳолисининг 14,2 фоизига тенгдир.
Мусулмонлар сони ўсишда давом этаётган бир пайтда насронийлар ва сикхлар сони камайди. Яҳудийлик ва буддавийликка эътиқод қилувчи аҳолининг ўсиш суръати деярли ўзгармади.