Фото: Тергов департаменти 2019 йил 28 декабрь куни соат тахминан 14:30да 20 ёшли Ф.Ж. бошқарувидаги «Nexia-2» русумли автомашинасида Қашқадарё вилояти Чироқчи тумани Кўктош маҳалласидан ўтувчи «4Р-84 Яккабоғ-Чироқчи» йўли бўйлаб ҳаракатланиб келиб ўзидан олдинда кетаётган автомашинани қувиб ўтиш учун қарама-қарши йўналишга чиққан.
Ўзбекистон Республикаси ИИВ ҳузуридаги Тергов департаменти хабарига кўра, шу вақтда йўлнинг 35-км.да 41 ёшли И.Н. бошқарувидаги «Kamaz» русумли юк автомашинаси билан тўқнашиб кетиши оқибатида йўл-транспорт ҳодисаси содир қилган.
Натижада «Nexia-2» русумли автомашина ҳайдовчиси Ф.Ж. ва 3 нафар йўловчи ҳодиса содир бўлган жойда вафот этишган.
Ҳолат юзасидан Чироқчи тумани ИИБ ҳузуридаги Тергов бўлими томонидан Жиноят кодексининг 266-моддаси 3-қисми «а» банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.