Telegram’даги «Водители Ташкента — Drivers.uz» каналида Тошкент шаҳар Миробод туманида содир бўлган йўл-транспорт ҳодисасининг бир нечта суратлари эълон қилинган. Тошкент шаҳар ИИББ мазкур ҳолат бўйича маълумот берди.Хабар берилишича, 21 ноябрь, пайшанба куни соат 12:30 да Шаҳрисабз ва Истиқлол кўчалари кесишмасида 70 ёшли Рофи П. бошқарувидаги Spark русумли автомобиль 24 ёшли Жамолиддин М. бошқариб борган Lacetti автомобили билан тўқнашган.
Қайд этилишича, ЙТҲ Spark автомобили ҳайдовчиси асосий йўлдан ҳаракатланиб борган Lacetti’га йўл бермагани оқибатида юз берган.
ЙТҲ натижасида Spark ҳайдовчиси тан жароҳатлари олган ва шифохонага ётқизилган.