Фото: «instagram.com»Флойд Мейвезер жамоаси аъзоси, ўзбекистонлик Маҳмуд Муродов UFC билан шартнома имзолади.
Маҳмуд Муродов «Ultimate Fighting Championship» билан шартнома имзолаган биринчи ўзбекистонлик бўлди. Бу ҳақда у ўзининг Инстаграмдаги саҳифасида маълум қилди.
«Бугун мен дунёнинг энг кучли ташкилоти UFC билан шартнома имзоладим. Мен UFCдаги биринчи ўзбекман. Менга ишонганингиз учун барчангизга катта раҳмат. Биргаликда биз навбатдаги ғалабалар сари борамиз», деб ёзди спортчи.
Маҳмуд Муродов америкалик машҳур боксчи Флойд Мейвезер жамоаси аъзоси саналади. У Oktagon ва XFN лигаларида жанг ўтказган. Фаолияти давомида ММА йўналишида 22 бор ғалабага эришган ва олти марта мағлуб бўлган.