Лукашенко Илон Маск Tesla совға қилди деб мақтанганди. Маскнинг эса бундан хабари йўқ

^{Фото: Reuters}
Tesla асосчиси Илон Маск Беларусь президенти Александр Лукашенкога Tesla электромобилини совға қилганини рад этди. Бу ҳақда у ўзининг Twitter’даги саҳифасида маълум қилди.

Александр Лукашенко СТВ телеканалида намойиш этилган мактаб ўқувчилари билан суҳбатида ўзининг Tesla электромобилининг пайдо бўлиш тарихини сўзлаб берганди.

«Менда Tesla электромобили бор. Мен уни баъзан синаб кўраман. Маск совға қилган», — деган, лекин электромобилнинг айнан қайси модели унга тегишли эканини айтмаган.

Twitter фойдаланувчисининг «Беларусь президенти Александр Лукашенкога Tesla совға қилганмисиз?», деб сўраган саволига Илон Маск «Вой, йўғэй», деб жавоб берган.

@elonmusk did you gift a car to Belarusian President Alexander Lukashenko?

— Слава Украине! (@MrRozanov) September 6, 2019

Маълумот учун, Лукашенко 2017 йилда Беларусь йўлларида Tesla’ни синовдан ўтказган. Президент автомобиль хусусиятларини юқори баҳолаб, «у космик кема каби старт олиши, ҳатто ундан ҳам тезроқ»лигини таъкидлаган. Тест-драйвдан сўнг у Беларусь муҳандисларига шундай машина ишлаб чиқиш ҳақида кўрсатма берган.