Қирғизистонда собиқ президент Алмазбек Атамбоев давлат тўнтаришига тайёргарлик кўришда айбланмоқда.ТАСС’нинг хабар беришича, бу ҳақда Қирғизистон Миллий хавфсизлик давлат қўмитаси раҳбари Орозбек Опумбаев айтиб ўтган.
«Давлат тўнтаришини амалга ошириш учун унга қон керак эди. Бу унинг нияти бўлган», - дея таъкидлаб ўтди Қирғизистон Миллий хавфсизлик давлат қўмитаси раиси.
Аввалроқ, Атамбаев терговчилар билан алоқага киришмагани, расмий вакилидан бошқа ҳеч ким билан гаплашмаслигини маълум қилгани айтилганди. Собиқ давлат раҳбари ўз сўзлари ва Конституция қоидалари бузилган, деб ҳисоблаяпти.
8 август куни махсус кучлар Атамбоевнинг Қўй-Тош қишлоғидаги қароргоҳига бостириб киришди. Эртаси куни собиқ президентга жиноят оламидаги нуфузли шахс - Азиз Батукаевнинг озод этилиши бўйича иш юзасидан айблов қўйилди.