Фото: РФЕРоссия президенти Владимир Путинни «қувиб юбориш» мақсадида пиёда Москвага йўл олган ёқутистонлик шаман Александр Габишев беш ойдан буён ўз мақсади томон ҳаракатланмоқда, деб хабар беради «Daryo.uz» нашри.
Габишев Путинни «қора кучлар самараси», «табиат ёмон кўрадиган иблис» деб ва уни қувиб юбориш учун жангчи-шаманнинг кучи кераклигини таъкидламоқда.
«У бор жойда фалокат ва терактлар ҳам бор. У ўзга сайёралик. Бизлардан эмас. Ерлик эмас. Унинг атрофидагилар — адашганлар. Халқнинг ярмини адаштиргани сабаб унинг иккинчи исми — Лукавий. У бу борада жуда кучли», — дейди Габишев.
Шаманнинг сўзларига кўра, Худо унга Кремлга пиёда боришни буюрган. 6 март куни йўлга чиққан Габишев 2021 йилнинг августида Кремлга етиб боришни режалаштирган.