Суперлига 14-туридан ўрин олган "Сурхон" - "Насаф" (1:3) учрашувидан сўнг қаршиликлар устози Рўзиқул Бердиев ўз фикрларини билдириб ўтди."Ўйин режамиз асосида ўтди ва йигитлар ғалабага ҳақли эди. Тўп назорати, ўйиннинг бориши ва ҳисоб бўйича ҳам устунликка эришдик ва шу боис ғалабани қўлга киритдик. Бугунги рақибимиз тажрибали футболчиларга эга бўлган кучли жамоа эди.
"Сурхон" биринчи даврада ёмон ўйин кўрсатмади. Аммо ҳозирги ўзгаришлар жамоага қанчалик фойда беради, буни вақт кўрсатади. Клубнинг олиб бораётган сиёсатини кўллаймиз, лекин унинг тўғри ёки нотўғрилигига аралашишга ҳаққимиз йўқ", - деди Бердиев.