Жиззах вилоятининг Фориш туманида шу йил 20 март куни Тошкент шаҳар Учтепа туманида яшовчи А.Т. вилоят ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.Унинг 2017-2018 йиллар мобайнида Фориш тумани Эгизбулоқ ҚФЙ ҳудудидаги дала майдонида юрган 26 бош отлари йўқолганлигини маълум қилган ҳолати юзасидан жиноят иши қўзғатилган.
Кўрилган чоралар натижасида ушбу жиноятни Мирзачўл тумани Ержар маҳалласида яшовчи 45 ёшли Б.Д., қариндоши, Дўстлик МФЙ Охунбобоев маҳалласида яшовчи 37 ёшли Э.Д. ва Арнасой тумани Зарафшон ҚФЙда яшовчи 27 ёшли Е.О.лар содир этганликлари аниқланиб, ушланган.
Тергов давом этмоқда, дейилади хабарда.