Тожикистон президенти Имомали Раҳмон тожикистонликларни муқаддас Рамазон ойи кириб келгани билан табриклади.Президент шу муносабат билан савдогарларга озиқ-овқат маҳсулотларига нархларни оширмасликни тавсия қилган.
“Ҳали ҳам савдогарлар Рамазон ойида ва байрам кунларида осон пул топиш мақсадида озиқ-овқат маҳсулотлари нархларини ошираётган ҳолатлар кузатилмоқда, бу эса одамларнинг кайфиятини бузиб, уларда норозилик келтириб чиқаради. Шу билан бу савдогарлар муқаддас ойда ўзлари ва оила аъзоларини баракадан маҳрум қиладилар”, деб айтган Раҳмон.
Тожикистон президенти Муҳаммад пайғамбаримиз (с.а.в.) ҳадисларида бундай ишлардан тийилиш ҳақида огоҳлантирилганини қайд қилиб ўтган.