«Замин»ни Telegram’да ўқинг! Join!
Zamin.uz
, 24 2021, 14:43
ЎЗO‘Z

100 000 сўмлик банкнот қачондан муомалага чиқарилиши маълум қилинди (фото)

16 фев, 18:00 10 159 Иқтисодиёт
«Замин»ни Telegram’да ўқинг!
100 000 сўмлик банкнот қачондан муомалага чиқарилиши маълум қилинди (фото) Ўзбекистон Республикаси Марказий банки 2019 йилнинг 25 февралдан бошлаб қиймати 100 000 сўм бўлган банкнот кўринишидаги янги пул белгиси муомалага чиқарилиши тўғрисида маълум қилди.

Қиймати 100 000 сўм бўлган банкнотнинг мавзуси (тематикаси) буюк ўзбек олими Мирзо Улуғбек фаолияти ва унинг астрономия фанидаги ютуқларига бағишланган.
Банкнотнинг ўлчами 144 х 78 мм. бўлиб, махсус ҳимояланган қоғозда чоп этилган.

Банкнотнинг ўнг тарафидаги оқ овал қисмида Мирзо Улуғбек сурати кўринишидаги локал сув белгиси ва 100000 рақами кўринишида филигран сув белгиси жойлашган. Банкнотнинг ўнг тарафидаги қоғоз қатламида кенглиги 5 мм. 3D эффектга эга бўлган, юқори ҳимояли, шўнғувчи, банкнотнинг устки қатламига чиқувчи ҳимоя ипи жойлаштирилган. Ёруғлик манбаида ип тўлиқ кўринишга эга бўлиб, банкнотнинг исталган қиялик кўринишида ипдаги тасвирларда силжиш эффекти пайдо бўлади. Олд ва орқа томонларининг фони асосан оч жигарранг ва ҳаво рангларидан иборат.

Банкнот олд томонининг чап қисмида Мирзо Улуғбек ҳайкали тасвирланган. Банкнотнинг юқори қисмининг чап тарафида ранги ўзгарувчан 100000 рақами жойлаштирилган бўлиб, маълум қиялик бурчагида қаралганда унинг ранги қирмизи рангдан жигаррангга ўзгаради.

Банкнотнинг қуйи қисмининг чап тарафида орнаментал тасвир асосида (фонида) “UZB” кўринишидаги яширин тасвир мавжуд бўлиб, у ёруғлик манбаига нисбатан маълум қияликда кўринади. Банкнотнинг чап томонида жойлашган яшил рангдаги махсус элемент кўзи ожиз инсонлар учун мўлжалланган бўлиб, бўёқнинг бўртмалиги ҳисобига банкнотнинг қийматини аниқлаш мумкин. Банкнотнинг юқори қисмида, ҳайкалнинг ўнг томонида кўп функцияли устурлоб ("Астраляби") астрономик асбоби тасвири жойлашган ва у регистр вазифасини бажариб, “олд” ва “орқа” томонларини бир-бири билан мос тушириш учун хизмат қилади, ёруғликка қаратилганда орқа томондаги рангли фон билан тасвир мукаммаллашади.

Банкнот юқори қисмининг ўнг томонида “O‘ZBEKISTON RESPUBLIKASI MARKAZIY BANKI” матни мавжуд.
Банкнотнинг юқори ўнг бурчагида Ўзбекистон Республикасининг Герби жигаррангда акс эттирилган.
Банкнотнинг ўрта қисмида қуёш системаси схемаси жойлашган бўлиб, унинг ранги кўриш бурчагига қараб бронза рангидан яшил рангга ўзгаради.

Орбита доирасида қуёш системаси сайёралари ва олтита кичик сайёралар турли ўлчамдаги саккиз қиррали юлдузчалар кўринишида жойлашган. Уларнинг ранги ҳам маълум қияликда ўзгарувчан хусусиятга эга. Орбиталар доираси периметри атрофида “O‘ZBEKISTON RESPUBLIKASI” сўз бирикмаси кўринишида такрорланувчи микроматн мавжуд.

Банкнот қуйи қисмининг марказида “BIR YUZ MING SO’M” матни жойлашган бўлиб, унинг остида «O‘ZBEKISTON SO‘MI RESPUBLIKA HUDUDIDA HAMMA TO‘LOVLAR UCHUN O‘Z QIYMATI BO‘YICHA QABUL QILINISHI SHART» ёзуви акс этган.

Банкнот пастки ўнг бурчагидаги 100000 рақами икки хил, яъни жигарранг ва яшил рангда аниқ чегараланган ҳолда босилган. Банкнотнинг лотин алифбосидаги икки ҳарфли серияси ва етти хонали сондан иборат рақами икки жойда босилган бўлиб, қуйи қисмининг ўнг томонидаги бўёқ ферромагнит, чап қисмдаги рангли майдондаги люминесцер хусусиятига эга.

Банкнот орқа томонининг чап қисмидаги овал шаклдаги майдонда ҳам локал сувли белгисини кўриш имконияти мавжуд. Чап томонининг юқори бурчагида гильошир розетка майдонида банкнот муомалага чиқарилган йил кўрсатилган.

Банкнотнинг марказида жигаррангда Мирзо Улуғбек обсерваторияси тасвирланган ва унинг устида “O‘ZBEKISTON RESPUBLIKASI MARKAZIY BANKI” матни туширилган.

Банкнотнинг қуйи қисмида кўк рангда 100000 рақами, “BIR YUZ MING SO‘M” ёзуви ҳамда уларнинг тагида “O‘ZBEKISTON SO‘MINI QALBAKILASHTIRISH QONUNGA MUVOFIQ TA’QIB QILINADI” матни жойлашган. Мазкур тасвирлар ва банкнотнинг юқори қисми ўнг бурчагидаги 100000 рақами металлограф босма усулида (бўртмалиги сезиладиган) бажарилган. Банкнотнинг ўнг томонида қўш ёйли квадрант астрономик асбоб тасвирланган.

Банкнот марказида Ўзбекистон Республикаси харитасининг чегараси акс эттирилган бўлиб, унда буюк олим Мирзо Улуғбек ўз илмий фаолиятини олиб борган Самарқанд шаҳрининг жойлашган ўрни белгиланган. Хаританинг фони узлуксиз равишда такрорланувчи “O‘ZBEKISTON RESPUBLIKASI” микроматни билан тўлдирилган.

Муомалага чиқарилаётган қиймати 100 000 сўм бўлган пул белгиси, айни пайтда муомалада бўлган пул белгилари ва тангалар билан бир қаторда, барча хўжалик юритувчи субъектлар ва аҳоли томонидан ўз қиймати бўйича барча турдаги тўловлар учун ҳеч қандай чекловларсиз қабул қилиниши шарт.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Марказий банк раиси: "Ўзбекистонда пул қийматини ўзгартириш режалаштирилмаяпти" 05 мар, 21:13
  • Ўзбекистонда илк 100 минг сўмлик купюра босиб чиқарилди 22 фев, 21:46
  • 100 000 сўмликнинг чиқарилиши инфляцияга таъсир қиладими? 21 янв, 17:50
  • Маҳалланинг хотинлари яна ҳақ бўлиб чиқди: "Ўзбекистонда йирик қийматдаги купюралар муомалага чиқарилади" 16 янв, 23:00
  • 20 000 сўмлик ва 100 000 сўмлик купюралар муомалага киритиладими? 05 янв, 20:03
  • 50 минг ва 20 минг сўмлик банкнота муомалага чиқариладими? Марказий банк бу хабарга ойдинлик киритди! 23 июн, 15:00
  • Сўнгги янгиликлар
  • Улкан яшил компьютер сичқончаси: британияликлар ноодатий автомобилни намойиш этди 24 сен, 14:23 0
  • Ўзбекистонда дам олиш кунидан бошлаб ҳаво сезиларли даражада салқинлашади 24 сен, 13:55 4
  • Шавкат Мирзиёев: Илгари вазият оғир эди, ҳатто ўз кўчамни асфальт қила олмаганман 24 сен, 13:30 138
  • Шавкат Мирзиёев Ўзбекистоннинг Биринчи Президенти Ислом Каримов қабрини зиёрат қилди 24 сен, 13:09 90
  • Сурхондарёда маст ҳайдовчи Lacetti’да икки ЙПХ инспекторини судраб кетди 24 сен, 13:06 164
  • Nokia учталик камера ва 5G алоқа тармоғини қўллаб-қувватловчи G50 смартфонини тақдим этди 24 сен, 11:55 295
  • Эльбрус фожиаси: альпинистлар ҳалок бўлди 24 сен, 11:28 194
  • «Толибон» Ашраф Ғанидан олиб чиқиб кетган пулларини қайтаришни талаб қилмоқда 24 сен, 11:05 494
  • Озодбек Назарбеков Даврон Кабуловга мукофотни топширди 24 сен, 10:42 508
  • Роналду қимматбаҳо Bentley сотиб олди ва ўзига қўриқчи ёллади 24 сен, 10:39 446
  • Шомуродовга огоҳлик қўнғироғи... 24 сен, 10:36 1 167
  • "Рома" "Удинезе" устидан зафар қучди, Шомуродов 86-дақиқада майдонга тушди (видео) 24 сен, 10:26 366
  • Бўлимлар