Россия ФХХ Чегара хизмати соҳилни қўриқлаш бошқармаси бошлиғи Алексей Вольскийнинг брифингда маълум қилишича, Керч-Еникальский бўғозини чет эл кемалари ўтиши учун ёпиб қўйиш тўғрисидаги қарор Украина томони провокациялари таҳдиди сабабли қабул қилинган. Бу ҳақда Kun.uz хабар бермоқда.Унинг қўшимча қилишича, Қора денгиздаги провокацион ҳаракатлардан бир ой олдин Украина кемалари Азов денгизида фитна уюштиришга уринган, ўшанда Украина ҳарбий-денгиз кучларининг иккита зирҳли катери - «Лубни» ва «Кременчуг» Мариупол портидан чиққан, Болгария байроғи остидаги кемага ҳамроҳлик қилган.
«Ушбу ҳамроҳлик қилиш вақтида Россия чегара кемаларига нисбатан қурол қўллаш тўғрисида таҳдид бир неча марта эфирда эшитилди, артиллерия қурилмалари жанговар шай ҳолатда экани атайлаб кўрсатилди», - дея маълум қилган Вольский.
Унинг қайд этишича, Россия ҳеч қачон Украина катерларига қурол ишлатиш билан таҳдид қилмаган.
Шунингдек, Вольский сўзларига кўра, Украинанинг асосий фитна ҳаракатлари Керч кўприги қурилиши ва фаолият юритишига қарши қаратилди.
«Маълумки, Украина вакиллари томонидан Қрим кўпригини йўқ қилиш зарурлиги тўғрисида турли даражада мунтазам баёнотлар берилди», - дея қўшимча қилиб ўтди Вольский.
Вольский сўзларига кўра, Украина кемаларининг Керч бўғозидаги блокадаси ҳақидаги маълумотлар ҳақиқатга мос келмайди.
Унинг сўзларига кўра, 2018 йил 1 апрелдан 1 декабрга қадар Керч бўғозидан 18 минг 783та кема сузиб ўтди.
Таъкидланишича, кемалардан 2 052таси текширилди, бу умумий сондан 12 фоизни ташкил этади.
Аниқлик киритилишича, улардан 1183таси Россия портларига, 869таси Украина портларига йўл олаётган бўлган.
«Россия портларига йўл олган кемалар кўпроқ текширилгани тушунарли ҳолат. Бу ерда гап Украина портларининг денгиз блокадаси ҳақида кетаётгани йўқ», - дея қайд этиб ўтди Вольский.