UFC раҳбари Дэйна Уайт америкалик бокс бўйича собиқ жаҳон чемпиони Флойд Мейвезерга UFC’нинг енгил вазндаги чемпиони Ҳабиб Нурмагомедов билан аралаш жанг қоидалари бўйича баҳсга киришиши учун 150 миллион доллар таклиф қилди. Дэйна Уайтнинг қайд этишича, Флойд ва Ҳабиб ўртасида жангнинг амалга ошиш эҳтимоли юқори. Бироқ у жангнинг бокс қоидалари бўйича ўтишини маъқулламаяпти. Уайт иккала спортчи MMA қоидалари бўйича жанг қилиши лозим деб ҳисобламоқда.
Маълумот учун, ўз вақтида Конор Макгрегор Флойд Мейвезер билан бокс қоидалари бўйича жанг қилиб, мағлуб бўлганди. UFC раҳбари эса бу сафар Флойднинг навбати келганини таъкидламоқда.