Forbes нашри Россиянинг энг бадавлат оилаларининг янги рейтингини тузди.Унга кўра, 1-ўринни ўтган йилги рейтингдаги каби Гуцериевлар оиласи эгалламоқда. Ушбу оиланинг аъзоларига тегишли умумий бойлик 5,97 млрд долларга баҳоланган. Гуцериевлар оиласига қуйидаги шахслар мансуб: “Сафмар” гуруҳининг асосий эгаси Михаил Гуцериев (4,5 млрд доллар), “Сафмар”нинг яна бир эгаси Саит-Салам Гуцериев (760 млн доллар), “Фортинвеста” бош директори Саид Гуцериев (660 млн доллар), “М.Видео” бош директори, Михаил Гуцериевнинг жияни Билан Ужахов (45 млн доллар).
Ўтган йилги рейтингга кўра, ушбу оилага 9,91 млрд доллар тегишли бўлган. Жорий йилда Гуцериевлар оиласини Михаил Шишханов тарк этган. У ўзи билан бирга “Бинбанк”ни, “Русснефт”нинг ва “А101” қурилиш компаниясининг 49 фоиз акцияларини олиб кетган. Гуцериевлар оиласи активларни йўқотганига қарамай, рейтингда етакчи ўринни сақлаб қолган.
2-ўринни 4,85 млрд долларга эга Ротенберглар оиласи эгаллаган: “Явара-Нева” клуби бош директори Аркадий Ротенберг (2,5 млрд ддоллар), “СМП банк” директорлар кенгаши аъзоси Борис Ротенберг (1,2 млрд доллар), "ЭнВиПи Инжиниринг" директорлар кенгаши раиси Игорь Ротенберг (800 млн доллар), Аркадий Ротенбергнинг қизи Лилия (300 млн доллар).
3-ўринни 3,14 млрд долларга эга Гапонцевлар оиласи эгаллаган: “IPG Photonics” бош директори ва директорлар кенгаши раиси Валентин Гапонцев (2,9 млрд доллар) ва унинг ўғли, сармоячи Денис Гапонцев (240 млн доллар).
4-ўринни Татаристоннинг собиқ президентининг ўғли, “Татавтодор” бош директори Айрат Шаймиев бошчилигидаги Шаймиевлар оиласи 4,28 млрд доллар билан эгалламоқда.
5-ўринга “Kafijat Kft” бошқаруви аъзоси Мекдет Рахимкуловнинг оиласи қўйилган (1,7 млрд доллар).
6-ўринни “РЕСО” гуруҳини билдирувчи ака-ука Сергей ва Николай Саркисовлар (1,5 млрд доллар) эгаллаган.
7-ўринни “Россия” банки эгаларидан бири Николай Шамаловнинг оиласи 1,47 млрд долларлик бойлик билан эгаллаган.
8-ўринни “Группа Альянс” президенти Муса Бажаев бошчилигидаги Бажаевлар оиласи эгаллаган (1,41 млрд доллар).
9-ўринни Зиявудин Магомедов ва унинг укаси Магомед (“Сумма” ва “Кардо Альянс” гуруҳлари) эгаллаган. Улар 1,4 млрд долларга эга.
Етакчи ўнталикнинг охирги ўрнини “Группа Кокс” асосчиси, марҳум Борис Зубицкийнинг ворислари Зубицкийлар оиласи 1,4 млрд долларлик бойлик билан эгаллаган.