2018 йилни Қозоғистонда "Ўзбекистон йили" деб эълон қилингани ҳақида олдин хабар берган эдик.«Ўзбеклар — бизга яқин, биродарларимиз, қўшниларимиз. Ўзбекистон — Марказий Осиёдаги улкан мамлакат, бу ўлка билан муносабатлар ҳамиша муҳим ва фойдалидир. Кейинги йил Қозоғистонда Ўзбекистон йили ва Ўзбекистонда Қозоғистон йили бўлади», — деган эди Қозоғистон президенти Нурсултон Назарбоев республика телевидениесида эфирга узатилган қозоғистонлик журналистлар билан учрашувида.
Бугун Ўзбекистон Президенти Шавкат Мирзиёевнинг Телеграм’даги расмий каналида қозоғистонликларнинг Ўзбекистонга муносабатлари ҳақидаги ВИДЕО жойланди.
Унда қозоғистонликлар қўшни давлат ҳақида нима билишларини ва ўзбек таоми ҳақида сўзладилар.