Кеча ижтимоий тармоқларда Бухоро вилояти Ғиждувон туманидаги Халқ банкида “маска шоу” ўтказилгани, юзида ниқоб билан қуролланган кишилар банк биносига кириб келгани ҳақида хабарлар тарқалди. Ушбу хабарларга суратлар ҳам илова қилинди.Бухоро вилояти Ички ишлар бошқармаси расмий сайти орқали мазкур хабарларга ойдинлик киритилди.
Хабарда маълум қилинишича, Бухоро вилояти Ички ишлар бошқармаси Ҳарбий сафарбарлик бўлими ходимлари томонидан 88926-ҳарбий қисм, вилоят Қўриқлаш бошқармаси ходимлари ҳамда вилоят Фавқулодда вазиятлар бошқармаси билан ҳамкорликда Ғиждувон туман Халқ банкида “Қуролли жиноятчиларни қўлга олиш ва уларни зарарсизлантириш” га қаратилган қўмондонлик-штаб ва махсус-тактик ўқув машғулоти ўтказилган.