Буюк британиялик Жорж Кирби ва Дорин Лаки расман сайёрамиздаги энг кекса оила қурганлар сифатида тан олинди. Никоҳ куни уларнинг умумий ёши 194 йил ва 280 кунга тенг эди, дея хабар беради «Корреспондент.net».
Эр-хотин 1988 йилдан бери норасмий никоҳда яшар, бироқ яқинда фарзандларининг босими остида никоҳдан ўтишга қарор қилганди. Кирби турмушга чиқиш ҳақидаги таклифни келинга Севишганлар куни билдирди. Никоҳ эса шу йил июнь ойида, куёвнинг туғилган кунида ўтказилди.
Мазкур рекорд расман қайд этилишини британияликлар беш ой мобайнида кутди. Олдинги рекорд умумий ёши 191 йил ва 126 кун бўлган жуфтликка тегишли эди.
Манба: Daryo.uz