Ўзбекистонда хизмат кўрсатган артист Райҳон Ғаниева ижтимоий тармоқларда фаол. У ҳам тенгқулари каби ҳаётнинг қадрига етиш борасида ўз фикр ва мулоҳазаларини тармоқдаги саҳифаларига ёзиб қолдирмоқда.Аввалроқ, “Ниҳол” мукофоти совриндори Манзура Йўлдошеванинг очиқ-сочиқ либослардан тийилгани, санъаткор маънавиятни тарғиб қилиши кераклиги ҳақидаги гапларини эътиборингингизга ҳавола этган эдик.
Куни кеча Ўзбекистонда хизмат кўрсатган артист Райҳон Ғаниева Instagram’даги шахсий саҳифасига келин кўйлагида тушган суратини жойлаштириб, шундай ёзади:
“Оила – бу дунёдаги жамийки бор нарсалардан энг муҳими. Сизда оила йўқми, демак, ҳеч нарсангиз йўқ. Оила – бутун умримизнинг энг мустаҳкам банди”.
40 ёшни қаршилаш арафасидаги Райҳоннинг оила борасидаги қараши кеча ва бугун бир-бирига мутаносибмиди ёки йўқ, буниси бизга қоронғу.
Эслатиб ўтамиз, хонанда собиқ турмуш ўртоғи Йигитали Мамажонов билан билан ажрашиб, 2016 йилнинг ноябрь ойида телебошловчи Фарҳод Алимов билан турмуш қурган эди.