10 январь куни Ўзбекистон Президенти ҳузуридаги Хавфсизлик кенгашининг мажлиси бўлиб ўтди. Президент матбуот хизмати Кенгаш мажлисидан фотосуратлар эълон қилди.
Президент раислигида ўтган мажлисда Хавфсизлик кенгаши котиби Виктор Маҳмудов, Миллий хавфсизлик хизмати раиси Рустам Иноятов, мудофаа вазири Абдусалом Азизов, ички ишлар вазири Пўлат Бобожонов, бош прокурор Ихтиёр Абдуллаев ҳамда бошқа вазирлик ва идораларнинг раҳбарлари қатнашган. Ўзбекистон Қуролли Кучларини ислоҳ қилиш ва ривожлантириш юзасидан ўтказилган бу мажлисда Шавкат Мирзиёев маъруза қилган.