АҚШлик олимлар овқатланиш рационидаги кичик ўзгаришлар умрни узайтиришга туртки бўлиши мумкин, деган хулосага келишди. Мазкур тадқиқот якунлари “New England Journal of Medicine” журналида чоп этилди, деб маълум қилади Даракчи нашри.Мутахассислар 74 мингдан зиёд ёши улуғ инсонларнинг қандай таом истеъмол қилаётгани, парҳезга риоя этиши каби бир қанча жиҳатларни 12 йил давомида ўрганишди. Аниқланишича, рацион сифатининг 20 фоиз ошиши эрта ўлим хавфини қарийб 17 фоизгача қисқартираркан. Аксинча, сифат пасайиши унинг эҳтимолини 6 — 12 фоиз ошираркан.
Шундай қилиб, соғлом овқатланиш инсон саломатлиги учун жуда муҳим, деган фикр яна бир карра ўз тасдиғини топди.