Facebook ижтимоий тармоғига тегишли Instagram фото хизматидан фойдаланувчилар сони 400 миллиондан ортди.Ушбу кўрсаткичга фойдаланувчилар сони 300 миллионни ташкил этганига бир йил бўлмасидан эришилди.
Ўтган вақт давомида фойдаланувчилар сафига қўшилган 100 миллион одамнинг асосий қисми Европа ва Осиё аҳолисига тўғри келади. Бразилия, Япония ва Индонезияликлар мазкур жараёнда фаоллик кўрсатган.
Ҳозирги вақтда умумий фойдаланувчиларнинг 75%дан кўпроғи АҚШдан ташқаридаги давлатларда истиқомат қилади.
Instagram Facebookнинг бепул фото ва видео алмашишга мўлжалланган, 2012 йил апрелида ишга туширилган иловаси ҳисобланади.