Ўзбекистон Республикаси ташқи савдо вазири ўринбосари Шавкат Тўлаганов Ўзбекистон Президенти Давлат маслаҳатчисининг ижтимоий-иқтисодий сиёсатини мувофиқлаштириш масалалари бўйича биринчи ўринбосар этиб тайинланди. Бугун, 7 август куни Шавкат Мирзиёев мазкур фармонни имзолади.
Шунингдек, ушбу фармон билан Шавкат Тўлаганов аввал эгаллаб турган лавозими - Ўзбекистон Республикаси ташқи савдо вазири ўринбосари вазифасидан озод этилди.
Янги лавозимига кўра унинг зиммасига эркин иқтисодий ҳамда кичик саноат ҳудудларини мувофиқлаштириш масалалари бўйича мажбуриятлар юклатилган.