ПСЖга ўтиши кутилаётган Неймар “Барселона”да бир йил давомида 25 миллион евро ишлаб топади. Бразилиялик футболчининг “Барселона” билан яна 4 йиллик амалдаги шартномаси мавжуд.Кеча Неймарнинг отаси “Барселона” раҳбарлари билан музокара ўтказиб, улардан ўғлининг маошини сенсацион тарзда оширишни ва янги шартнома имзолаш бўйича таклиф юборишларини сўраганди.
Каталонияликлар раҳбарияти эса ўйлаб кўриш учун Неймарнинг отасидан вақт сўрашган.
Сўнгги олинган маълумотларга кўра, “Барселона” раҳбарияти Неймар жамоада қоладиган тақдирда ҳам унинг маошини оширмасликка қарор қабул қилган.
Маълумот ўрнида, аввалроқ футболчининг трансфер қиймати 220 миллион еврога баҳоланиб, ПСЖ Неймар билан олти йиллик келишувга эришгани ҳақида хабар бергандик.
Шунингдек, аввалроқ Неймарнинг жамоадоши Лионель Месси Instagram саҳифасидан у билан бирга тушган барча суратларни ўчириш билан бирга, жамоа раҳбариятига бразилиялик ҳужумчи ўрнини боса оладиган футболчилар рўйхатини тақдим этганди.
Кейинчалик, Неймарнинг яна бир жамоадоши Херар Пике твиттер саҳифасида “У биз билан қолади”, - дея янги пост қолдирганди.
Манба: www.uff.uz