2015 йилнинг 2-чораги натижаларига кўра, Samsung нинг смартфонлар бозоридаги улуши 2014 йилнинг 2-чорагига нисбатан 3,1 фоизга, яъни 24,8 фоиздан 21,7 фоизга камайган. Бу ҳақда IDC ҳисоботида айтилмоқда, деб ёзди Kun.uz.Apple нинг улуши эса бир йил ичида 2,4 фоизга ошиб, 14,1 фоизни ташкил қилган. Samsung 73,2 млн та, Apple эса 47,5 млн та смартфон сотган.
Шу билан бир вақтда Huawei, Xiaomi ва бошқа смартфон ишлаб чиқарувчилар Хитой смартфон бозорида талабнинг ошиши ортида савдоларининг анча ошганини намоён қилмоқдалар. Huawei 29,9 млн дона қурилма, Xiaomi – 17,9 млн дона ва Lenovo 16,2 млн дона смартфон сотган ҳамда умумий ҳисобда жаҳон бозорининг 19 фозини эгаллаган. Қолган компаниялар умумий ҳисобда 152,5 млн та смартфон сотган.