2017 йилнинг 23 июнь куни тахминан соат 20:10ларда, ўтказилган тезкор тадбир давомида, Рахманбердиева Мафтуна Атамурадовна, Яккасарой тумани ҳудудида жойлашган хонадонда фоҳишахона сақлаб, 250.000 сўм пул эвазига фуқаро «А» ва «Г» ларга жинсий алоқа қилишлари учун шароит яратиб берганлиги аниқланган, деб хабар беради Тошкент шаҳар ИИБ. Мазкур ҳолат юзасидан Яккасарой тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иш қўзғатилган.
Ҳозирда дастлабки тергов ҳаракатлари давом эттирилмоқда.
Юқоридаги шахснинг анкета маълумотлари ўзгартирилган бўлиб, анкета маълумотларининг ўхшашлик ҳолати тасодифий ҳарактерга эга.