Жорий йилнинг 3 июнь куни ижтимоий тармоқлар ва мессенжерлар орқали Тошкент шаҳрида жойлашган П.Ф.Боровский номидаги тиббиёт коллежи ўқувчиси Жасурбек Иброҳимовнинг вафоти ҳақидаги хабарлар бир зумда тарқалиб кетган эди.Кейинроқ Жасурбекнинг хотираси учун бир ҳофиз қўшиқ куйлаб чиқди. Энди эса ижтимоий тармоқлардаги марҳумнинг хотираси учун очилган саҳифаларда Жасурбек Иброҳимовнинг вафотидан олдинги видеолари оммалашмоқда.
“Бир неча кун олдин Жасурнинг яқин ўртоғи ўзининг дўсти ҳақида видео жўнатган эди. Бу ерга юклашга ботинолмагандим. Аммо кеча Жасур хотирасига бағишлаб ёзилган қўшиқ юборишди. Юклашга қарор қилдим. Бу видео ҳамма учун эслатма бўлсин: биз бир-биримизга кўпроқ яхшилик қилишимиз, ўзимизда ва келажак авлодда одамийлик ҳиссини улғайтиришимиз даркор”, дейилади видеопостда.
Манба: Qalampir.uz