Ўзбекистон Марказий банки 13 мартдан бошлаб хорижий валюталарнинг сўмга нисбатан янги курсларини белгилади, деб ёзади Кун нашри.Унга кўра, долларнинг расмий курси бир ҳафта ичида деярли 50 сўмга, 3452,30 сўмдан 3500,01 сўмга кўтарилди.
Евронинг қиймати қарийб 60 сўмга ошиб 3710,44 сўмга ва рубль 0,50 сўмга арзонлашиб 59,10 сўмга етади.
Марказий банк бухгалтерия ҳисоби, статистика ва бошқа ҳисоботларни юритиш, шунингдек, божхона ва бошқа мажбурий тўловларни ҳисоблаб чиқариш учун ҳар ҳафтада валюталар курсини белгилайди.
Валюта қийматини белгилаш чоғида Ўзбекистон Республикаси Марказий банки мазкур валюталарни ушбу қийматда сотиш ёки сотиб олиш мажбуриятини олмаган.