2016 йилнинг тўртинчи чораги натижаларига кўра, муқобил ёнилғига ҳаракатланадиган автомобиллар сони ошган, деб ёзади Carzone.uz. Бу давр мобайнида гибрид машиналар бозори ҳажми 25,1 фоизга ўсган.Евроиттифоқнинг беш йирик автобозоридан учтасида (Испания, Германия ва Буюк Британия) “яшил автомобиллар”га талаб ортган. Испанияда 49,4 фоиз, Германияда 22 фоиз, Британияда эса 15 фоизлик ўсиш қайд этилган. Аммо экологик автомобиллар савдоси Италияда 3,5 фоиз, Францияда эса 14,4 фоизга қисқарган. Эслатиб ўтамиз: бу ўтган йилнинг тўртинчи чораги натижаларидир.
Умумий олганда, ўтган йилда сотилган муқобил энергияга юрадиган автомобиллар сони 609 629тани ташкил этиб, 2015 йилги кўрсаткичдан 4,1 фоизга ўсган. Европа Иттифоқи автобозорининг 4,2 фоизини “яшил автомобиллар” ташкил этади.