Бангладеш транспорт вазирлиги мамлакатдаги барча оилаларга иккитадан кўп машинага эга бўлишни тақиқлайди, деб хабар бермоқда "Кун" нашри.Бундай қарорга сабаб Бангладеш пойтахти Даққадаги кўп километрлик тирбандликлар бўлди. Улар мамлакатда жиддий иқтисодий ва экологик муаммолар келтириб чиқармоқда.
Оилаларга машиналар миқдорини чеклаш ҳақидаги қоида автотранспорт ҳақидаги қонун лойиҳасига киритилди. Қоида якуний тасдиқлаш учун вазирлар маҳкамасига тақдим қилинади, сўнгра парламентга муҳокамага олиб чиқилади.
Таъкидланишича, Даққа дунёнинг энг гавжум шаҳарларидан бири ҳисобланиб, унда машиналар миқдорининг ошиши суръатлари бутун мамлакатдагидан бир неча баробар кўпроқни ташкил қилади. Ўтган йили мамлакатда 21 мингта янги автомобиль рўйхатга олинган бўлса, шундан 18,5 мингтаси Даққага тўғри келган.
Таъкидланишича, аҳолининг шахсий транспортдан фойдаланишига жамоат транспортининг ёмон ишлаши ундамоқда.