Хитойнинг шимолидаги Тянцин штатида йўловчи автобус ўз бошқарувини йўқотиши оқибатида, ағдарилиб кетди. Бунинг натижасида 30 киши йўловчидан 26 нафари ҳалок бўлди, деб хабар беради “TASS” нашри. Қутқарувчилар фақатгина 4 нафар инсонни тирик ҳолда топишган. Тирик қолганлар орасида иккинчи ҳайдовчи, чипта назоратчиси ҳамда икки нафар йўловчи бўлган.
Автобус Синтай шаҳридан Шенхайга катта тезликда кетаётганида, ғилдиракнинг ёрилиб кетиши ҳалокатнинг келиб чиқишига сабаб бўлган.