Тошкент шаҳрида Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлиси бўлиб ўтди. Унда давлат раҳбари Шавкат Мирзиёев ҳам иштирок этди.Мажлисда муҳокама қилинган масалалар юзасидан депутатлар сўзга чиқишди.
84-Тўйтепа сайлов округидан сайланган депутат Виктор Пак сўнгги уч йилда бутун мамлакатда улкан ўзгаришлар амалга оширилгани, энг узоқ қишлоқларгача янги ҳаёт кириб бораётганини таъкидлади. У ўзининг 140 мингдан зиёд сайловчилари хоҳиш-иродасини ифода этиб, президентга давлат мукофоти бериш таклифини билдирди. Барча депутатлар қарсаклар билан бу таклифни қўллаб-қувватлашди.
Давлат раҳбари эътироф учун миннатдорлик билдириб, шундай деди:
– Халқимиз менга энг катта унвон бериб бўлган. Бундан юксак унвон бўлмаса керак. Бу – халқ ишончи!