Фото: Ташқи ишлар вазирлиги2019 йил 24 май куни Ташқи ишлар вазири Абдулазиз Комилов Америка Қўшма Штатларининг мамлакатимизда янги тайинланган фавқулодда ва мухтор элчиси Даниэл Розенблумни қабул қилди. Бу ҳақда Ташқи ишлар вазирлиги матбуот хизмати хабар берди.
Вазир элчидан ишонч ёрлиқларининг нусхаларини қабул қилиб, уни қутлади ва миссиясида муваффақият тилади.
Суҳбат чоғида Ўзбекистон Республикаси Президенти Шавкат Мирзиёевнинг 2018 йил май ойида АҚШга расмий ташрифи давомида эришилган келишувларни амалга ошириш ва ўзбек-америка муносабатларини янада ривожлантириш истиқболлари муҳокама қилинган.
Шунингдек, ҳалқаро ва маҳаллий аҳамиятга эга алоҳида мавзулар ҳам кўриб чиқилган.