«Замин»ни Telegram’да ўқинг! Join!
Zamin.uz
, 29 2024, 13:49
ЎЗO‘Z

Ўзбекистонда деҳқон хўжаликлари ва аҳоли томорқа ерларидан фойдаланиш самарадорлиги оширилади

20 мар, 19:15 6 626 Ўзбекистон
«Замин»ни Telegram’да ўқинг!
Ўзбекистонда деҳқон хўжаликлари ва аҳоли томорқа ерларидан фойдаланиш самарадорлиги оширилади Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Деҳқон хўжаликлари ва аҳоли томорқа ерларидан фойдаланиш самарадорлигини ошириш чора-тадбирлари тўғрисида”ги қарори лойиҳаси жойлаштирилди.

Ҳужжатда қайд этилишича, барча шарт-шароитлар яратиб берилишига қарамасдан, деҳқон хўжаликлари ва томорқа ер эгалари томонидан ажратилган ер участкаларига қишлоқ хўжалиги экинлари экмаслик ҳолатлари кўплаб кузатилмоқда.

Хусусан, 2018 йилда ўтказилган ўрганишлар натижасида, республика бўйича 69,4 минг та томорқа ер эгалари томонидан 4,0 минг гектар, жумладан Самарқанд вилоятида 995 гектар, Сурхондарё вилоятида 649 гектар, Қашқадарё вилоятида 624 гектар, Навоий вилоятида 384 гектар, Андижон вилоятида 294 гектар томорқа ер майдонларига қишлоқ хўжалиги экинлари экилмаганлиги аниқланган.

Қарор билан Ўзбекистон Республикаси Қишлоқ хўжалиги вазирлиги, Сув хўжалиги вазирлиги, Ер ресурслари, геодезия, картография ва давлат кадастри давлат қўмитаси, Ўзбекистон Фермер, деҳқон хўжаликлари ва томорқа ер эгалари кенгаши, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши, Қорақалпоғистон Республикаси Вазирлар Кенгаши, вилоятлар ва туманлар ҳокимликларининг таклифларини инобатга олиб, қуйидагилар:

Қорақалпоғистон Республикаси ва вилоятларда 2019 йилда деҳқон хўжаликлари ва аҳоли томорқалари экин ер майдонларига қишлоқ хўжалиги экинларини жойлаштириш кўрсаткичлари;

Қорақалпоғистон Республикаси ва вилоятларда 2019 йилда деҳқон хўжаликлари ва аҳоли томорқаларида етиштириладиган қишлоқ хўжалиги маҳсулотларининг прогноз кўрсаткичлари;

Қорақалпоғистон Республикаси ва вилоятларда 2019 йилда деҳқон хўжаликлари ва аҳоли томорқаларида етиштириладиган қишлоқ хўжалиги маҳсулотларини реализация қилишнинг прогноз кўрсаткичлари;

Қорақалпоғистон Республикаси ва вилоятларда 2019 йилда деҳқон хўжаликлари ва аҳоли томорқаларида қишлоқ хўжалиги маҳсулотларини етиштириш учун талаб этиладиган уруғлик, минерал ўғит ва ёқилғи-мойлаш материаллари ҳажмлари ва маблағлари ҳисоб-китоби тасдиқланиши мумкин.

Қорақалпоғистон Республикаси Вазирлар Кенгаши ва вилоятлар ҳокимликлари, Ўзбекистон Республикаси Қишлоқ хўжалиги вазирлиги, Инновацион ривожланиш вазирлиги, Сув хўжалиги вазирлиги, Ўзагрокимёҳимоя” акциядорлик жамияти, “Ўзкимёсаноат” акциядорлик жамияти, “Ўзнефтмаҳсулот” акциядорлик жамияти, Ўзбекистон фермер, деҳқон хўжаликлари ва томорқа ер эгалари Кенгаши, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши:

туман ҳокимликлари томонидан ҳар бир ҳудуднинг ихтисослашуви, тупроқ-иқлим шароити, сув таъминотини инобатга олган ҳолда, “бир маҳалла – бир маҳсулот” тамойили асосида деҳқон хўжаликлари ва томорқа ер эгалари кесимида қишлоқ хўжалиги экинларини жойлаштириш ва маҳсулот етиштириш прогноз ҳажмлари кўрсаткичларини тасдиқлаш;

деҳқон хўжаликлари ва томорқа экин ерларида қишлоқ хўжалиги маҳсулотларини етиштириш учун уруғлик, минерал ўғит ва ёқилғи-мойлаш материалларини белгиланган тартибда етказиб бериш;

қишлоқ хўжалиги экинлари, боғ ва токзорларни касалликлар, зараркунандалар ва бегона ўтлардан ҳимоя қилиш учун талаб этиладиган кимёвий препаратлар билан таъминлаш ва агрокимё хизматлари кўрсатиш;

вегетация даврида қишлоқ хўжалиги экинларини сув билан таъминлаш ва суғоришни ташкил этишда деҳқон хўжаликлари ва томорқа ер эгаларига амалий ёрдам кўрсатиш топширилади.

Ўзбекистон фермер, деҳқон хўжаликлари ва томорқа ер эгалари Кенгашининг Фермер, деҳқон хўжаликлари ва томорқа ер эгаларини қўллаб-қувватлаш жамғармасидан деҳқон хўжаликлари ва томорқа ер эгаларига қишоқ хўжалиги экинларини экиш ишларини ташкил этиш учун “Томорқа хизмати” МЧЖлари орқали 28 млрд. сўм маблағ ажратиш тўғрисидаги таклифи маъқулланиши мумкин.

Қорақалпоғистон Республикаси Вазирлар Кенгаши, вилоятлар ва туманлар ҳокимликлари билан биргаликда Жамғармадан ажратиладиган маблағлар ҳисобидан “Томорқа хизмати” МЧЖлари томонидан деҳқон хўжаликлари ва томорқа ер эгаларига шартнома асосида уруғлар, кўчатлар ва бошқа зарур моддий ресурсларни етказиб берилишини ташкил этиш топширилади.

Белгилаб қўйилишича, деҳқон хўжаликлари ва томорқа ер эгалари кесимида тасдиқланган қишлоқ хўжалиги экинларини тўлиқ экилиши ва маҳсулот етиштирилишини таъминлаш учун Қорақалпоғистон Республикаси, вилоятлар ва туманлар 4 та секторлар раҳбарлари, Ўзбекистон фермер, деҳқон хўжаликлари ва томорқа ер эгалари Кенгаши масъул ҳисобланади.

Қорақалпоғистон Республикаси Вазирлар Кенгаши ва вилоят ҳокимликлари, ҳудудий қишлоқ хўжалик бошқармалари ва Фермер, деҳқон хўжаликлари ва томорқа ер эгалари кенгашлари туман ҳокимликлари билан биргаликда туманлардаги 4 та сектор ва маҳалла фуқаролар йиғинлари кесимида аҳоли хонадонларига экин эктириш ва маҳсулот етиштириш прогноз кўрсаткичларини тасдиқлайдилар ва ижросини назоратга оладилар.

Ўзбекистон Республикаси Ер ресурслари, геодезия, картография ва давлат кадастри давлат қўмитаси, Ўзбекистон фермер, деҳқон хўжаликлари ва томорқа ер эгалари Кенгаши билан биргаликда мазкур қарор билан белгиланган деҳқон хўжаликлари ва томорқа экин ерларида экиш мавсумининг якуни билан экинларни ўлчовдан ўтказади ва натижаси бўйича Вазирлар Маҳкамасига ахборот киритиб боради.




Мавзуга оид янгиликлар
  • 29 март куни Ўзбекистон ҳудудида қандай об-ҳаво кутилмоқда? 28 мар, 15:53 226
  • Ўзбекистонда неча турдаги қурилиш материаллари ишлаб чиқарилади? 27 мар, 11:00 57
  • Ўзбекистон бўйича 25-29 март кунлари об-ҳаво қандай бўлади? 25 мар, 14:50 235
  • Давлат органлари учун ҳалоллик миллий стандарти ишлаб чиқилади 25 мар, 10:50 57
  • Эртага Ўзбекистонда ҳарорат 30 даражагача кўтарилиши кутилмоқда 24 мар, 11:59 76
  • 24 март куни республика ҳудудида кузатиладиган об-ҳаво маълумоти эълон қилинди 23 мар, 13:19 119
  • Сўнгги янгиликлар
  • Полшада Россия жосуслик тармоғи иши бўйича тинтувлар ўтказилди 29 мар, 12:39 0
  • Samsung ўз тарихидаги энг яхши селфи камерали смартфонни намойиш этди 29 мар, 12:12 1
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 5
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 22
  • Шомуродовнинг аҳволи ҳақида маълумот берилди 29 мар, 10:53 107
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 49
  • Роналдунинг либосини кийган таниқли блогер Мессига алоқадор ресторандан ҳайдаб юборилди 29 мар, 10:02 85
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 50
  • Қозоғистоннинг бир қанча ҳудудлари тошқинлар туфайли сув остида қолди 29 мар, 09:08 90
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 83
  • Шоҳжаҳон Эргашев панамалик боксчини биринчи раунддаёқ нокаутга учратди (видео) 29 мар, 08:35 183
  • Оқ уй Украинанинг «Крокус» терактига алоқадорлиги ҳақидаги баёнотларни «тарғибот» деб атади 29 мар, 08:08 94
  • Бўлимлар