Ўзбекистон Ўрта махсус, касб-ҳунар таълими маркази маълумотлари 2014 йилнинг 1 декабрь ҳолатига кўра 2013/2014 ўқув йили касб-ҳунар коллежлари битирувчиларининг 86,6 фоизи иш билан таъминланганлигини кўрсатмоқда. Бу ҳақда 12news.uz
хабар бермоқда.
Ўзбекистон Иқтисодиёт вазирлиги матбуот хизматининг ахборот беришича, 2013/2014 ўқув йили касб-ҳунар коллежлари битирувчиларининг бандлигини таъминлаш мақсадида ҳар бир коллеж, туман, шаҳар бўйича комплекс чора-тадбирлар ишлаб чиқилган, шу жумладан, ҳар бир коллеж корхоналар, ташкилотлар, иқтисодиётнинг турли соҳаларига бириктирилган.
Қайд этишларича, ўқувчиларнинг муайян корхона, ташкилотда келгусида уларни шу жойларда иш билан таъминланиш мақсадида ишлаб чиқариш амалиётларини ўташ ҳақида уч томонлама шартномалар (корхона, коллеж ва битирувчилар ўртасида) тузилмоқда.
Касб-ҳунар коллежларига ўқувчиларнинг олаётганган мутахассисликларига мос ҳолда иш билан таъминлаш учун бўш иш ўринлари ҳақидаги маълумотлар тақдим этилмоқда, шунингдек, битирувчиларни тадбиркорлик фаолиятига, оилавий бизнесга жалб этиш, уларга ўз ишини юритиш асосларини ўргатиш бўйича ишлар амалга оширилмоқда.
2014 йилда бу вазифаларни амалга ошириш мақсадида тижорат банклари томонидан битирувчилар учун имтиёзли шартлар асосида микрокредитлар тақдим этилган.
Манба:
Kun.uz