«Замин»ни Telegram’да ўқинг! Join!
Zamin.uz
, 29 2024, 12:22
ЎЗO‘Z

Шавкат Мирзиёев: Пахтадан фойда бўлмаса, экишнинг кераги йўқ (видео)

19 фев, 23:30 7 453 Ўзбекистон
«Замин»ни Telegram’да ўқинг!
Шавкат Мирзиёев: Пахтадан фойда бўлмаса, экишнинг кераги йўқ (видео) Бухоро вилоятининг Пешку туманида 16 февраль куни Ўзбекистон Президенти Шавкат Мирзиёев ва вилоят фаоллари иштирокида йиғилиш бўлиб ўтди. Унда Президент вилоятдаги ҳар бир туман вакилларининг мурожаатларини шахсан ўзи қабул қилди.

Жумладан, Шофиркон тумани вакили Шавкат Мирзиёевдан учта — пахта майдонлари ўрнига даромадлироқ боғларни ташкил этиш, туманда янги ишлаб чиқариш қувватларини ишга тушириш ва ичимлик суви муаммосини ҳал қилишда ёрдам сўради.

«Пахта экилган ерларимизни жилвон зонаси деймиз, жилвон зонасини 8—10 марта, айрим жойларда 12 марта суғориб, ҳосил олинади. Мана шу ерларга кунжут, зиғир, бошқа экинларни экиб, пахтага нисбатан кўп даромад олиш имкониятлари бор. Бизда жилвони узумлар етиштирадиган иккита хўжалик бор эди. Россия, Украина, Болтиқбўйига эшелон қилиб юборардик. Мана шу боғларни қайта тиклашга ҳамда пахта майдонларини қисқартириб, сув кам талаб қиладиган, фойда берадиган экинларни экишга ёрдамлашишингизни илтимос қилардик», — деди шофирконлик оқсоқол.

«Яна Шофирконда битта пахта тозалаш заводи, битта тикув фабрикаси бор. Келгусида пахтани қайта ишлаб, ип-калава қиладиган ишлаб чиқаришни ташкил қилинса. Яна бир муаммо — ичимлик суви. Шофиркон 25 фоизга ичимлик суви билан таъминланган, сув туман марказигача келган. Энди буни ҳудудларга, хонадонларгача етказиш муаммоси бор. Агар имконият бўлса, шу масала дастурларга киритилиб, охирига етказилса, халқимиз ичимлик суви билан таъминлашда ёрдам бўларди», — дея қўшимча қилди Шофиркон вакили.

Президент ҳар бир масала бўйича алоҳида жавоб бериб, уларни ҳал этиш бўйича тегишли масъулларга топшириқлар берди.

Жилвон зонасида мойли экинлар экиш, боғлар ташкил этиш борасидаги биринчи таклифингизга қўшиламан. Пахтадан фойда бўлмаса, экишнинг кераги йўқ — у замон ўтиб бўлди. Мен розиман — мутахассислар таклиф берса, жилвон зонасида ҳам, бошқа жойларда ҳам боғларни ташкил этиш керак. Менинг ниятим ҳам шу аслида. Қишлоқ хўжалигини фойдали, даромадли соҳага айлантириш бўйича барча чораларга розиман.

Иккинчи — саноат зонаси, пахта заводи, пахтани қайта ишлаш масаласи бўйича. Оқсоқол, бу гапларингиз учун раҳмат. Биласизми, мен бир ярим йилдан бери шу гапларни ҳар куни айтяпман. Мақсадим, муддаоим шу. Туманнинг тўрт раҳбари ҳам дунёқарашини бироз ўзгартириб, тадбиркорликни қўллаб-қувватлаб, пахта заводи ўрнига тўқимачилик корхонасини йўлга қўйсин. Ҳа, олдин мумкин эмасди, ҳозир ҳеч қандай чеклов йўқ.

Кейинги, ичимлик суви билан боғлиқ масала бўйича. Вилоят бўйича ичимлик суви билан таъминлаш даражаси 51 фоиз. Бир йилда шу кўрсаткичга эришилди. Сув масаласи бугунги йиғилиш протоколига киритилади. Раҳмат сизга!

Шавкат Мирзиёев, Ўзбекистон Президенти
Шавкат Мирзиёев, Бухоро, ичимлик суви




Мавзуга оид янгиликлар
  • 29 март куни Ўзбекистон ҳудудида қандай об-ҳаво кутилмоқда? 28 мар, 15:53 226
  • Ўзбекистонда неча турдаги қурилиш материаллари ишлаб чиқарилади? 27 мар, 11:00 57
  • Ўзбекистон бўйича 25-29 март кунлари об-ҳаво қандай бўлади? 25 мар, 14:50 235
  • Давлат органлари учун ҳалоллик миллий стандарти ишлаб чиқилади 25 мар, 10:50 57
  • Эртага Ўзбекистонда ҳарорат 30 даражагача кўтарилиши кутилмоқда 24 мар, 11:59 76
  • 24 март куни республика ҳудудида кузатиладиган об-ҳаво маълумоти эълон қилинди 23 мар, 13:19 119
  • Сўнгги янгиликлар
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 4
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 22
  • Шомуродовнинг аҳволи ҳақида маълумот берилди 29 мар, 10:53 106
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 49
  • Роналдунинг либосини кийган таниқли блогер Мессига алоқадор ресторандан ҳайдаб юборилди 29 мар, 10:02 85
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 50
  • Қозоғистоннинг бир қанча ҳудудлари тошқинлар туфайли сув остида қолди 29 мар, 09:08 90
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 83
  • Шоҳжаҳон Эргашев панамалик боксчини биринчи раунддаёқ нокаутга учратди (видео) 29 мар, 08:35 183
  • Оқ уй Украинанинг «Крокус» терактига алоқадорлиги ҳақидаги баёнотларни «тарғибот» деб атади 29 мар, 08:08 93
  • Павел Дуров террор тарғиботчилари блокланаётганини эълон қилди 29 мар, 07:37 70
  • Қон босимини дориларсиз уй шароитида тушириш йўллари 29 мар, 07:07 100
  • Бўлимлар