Жаҳон банки директорлар кенгаши Ўзбекистонга умумий миқдори 305 млн долларни ташкил қилувчи иккита кредит тақдим этиш ҳақидаги қарорни маъқуллади. Бу ҳақда РИА Новости агентлиги'га асосланиб Kun.uz хабар бермоқда.
200 млн долларлик кредит, кеча хабар қилинганидек, 300 км узунликдаги автомобиль йўлларини таъмирлашга сарфланади. Лойиҳа 2021 йилнинг сентябрида якунланади.
105 млн доллар эса Бухоро ва Самарқанд шаҳарлари канализация тармоқларини модернизация ва реконструкция қилишга қаратилади. Ушбу лойиҳа учун 2009 йилдаёқ 55 млн доллар ажратилган эди.
Ҳар иккала кредит халқаро тараққиёт уюшмаси маблағлари ҳисобидан тақдим этилади. Маблағ 25 йилга тақдим этилади, шулардан 5 йил имтиёзли ҳисобланади.
Ўзбекистон 1992 йили Жаҳон банкига аъзо бўлди. Шундан буён халқаро молия ташкилоти давлатга 1.8 млрд доллар кредит берди.