«Замин»ни Telegram’да ўқинг! Join!
Zamin.uz
, 15 2019, 13:12
ЎЗO‘Z

10 минг сўмлик банкнотлар 10 мартдан бошлаб муомалага чиқарилади

03 мар, 19:10 11 731 Ўзбекистон
10 минг сўмлик банкнотлар 10 мартдан бошлаб муомалага чиқарилади

10 мартдан бошлаб Ўзбекистон Республикаси Марказий банки қиймати 10 минг сўм бўлган банкнот кўринишидаги янги пул белгиларини муомалага чиқаради. Бу ҳақда «Газета.uz» хабар берди.

Янги банкнотлар, айни пайтда муомалада бўлган пул белгилари ва тангалар билан бир қаторда, барча хўжалик юритувчи субъектлар ва аҳоли томонидан ўз қиймати бўйича барча турдаги тўловлар учун ҳеч қандай чекловларсиз қабул қилиниши шарт.

Қиймати 10 минг сўм бўлган пул белгилари 144×78 мм ўлчамдаги ҳимояланган қоғозда тайёрланган. Банкнотнинг ўнг тарафидаги кенг оқ рангли сатҳда Ўзбекистон герби ва «10000» рақами кўринишида сув белгиси мавжуд. Оқ рангли сатҳнинг чап тарафидан қоғоз қатламида «дарча» ва 3D эффектли юзага чиқиб, ичкарига ботувчи ҳимоя ипи ўтказилган.

Банкнот олд томонининг юқори қисмида «O‘ZBEKISTON RESPUBLIKASI MARKAZIY BANKI» ёзуви мавжуд. Чап қисмида нақшинкор элементлар фонида Ўзбекистон герби тасвирланган. Гербнинг пастки қисмида еттита рақамли номери билан икки лотин ҳарфидан иборат серияси жойлашган.

Нақшинкор рамканинг ўнг ва чап бурчакларининг қуйи қисмида, шунингдек гербнинг ўнг тарафида «10000» рақами тасвирланган бўлиб, банкнотнинг қийматини билдиради. Гербнинг ўнг тарафидаги «10000» рақами устига йирик ҳарфлар билан «SO‘M» сўзи ёзилган. Ушбу тасвир тепасида банкнот қиймати сўз билан «O‘N MING» кўрсатилган.

Нақшинкор рамканинг пастки қисмида «O‘ZBEKISTON SO‘MI RESPUBLIKA HUDUDIDA HAMMA TO‘LOVLAR UCHUN O‘Z QIYMATI BO‘YICHA QABUL QILINISHI SHART» ёзуви жойлашган.

Банкнотнинг тўқ кўк рангли нақшинкор рамкаси, «O‘ZBEKISTON RESPUBLIKASI MARKAZIY BANKI» ёзуви, герб, ўнг ва чап томондаги «10000» рақамлари бўртиб туради, ушлаб кўрилганда сезилади.

Оқ рангли сатҳда жойлашган «10000» рақами тепасида банкнотнинг номери ва серияси такрор кўрсатилган.

Оқ рангли сатҳнинг юқори қисмида қиялик бурчагининг ҳолатига қараб рангини ўзгартирувчи ва ушлаб кўрилганда билинадиган бўртиб турувчи, тилла-бронза рангли саккиз қиррали нақш мавжуд.

Нақш тепасида банкнот чиқарилган йил: «2017» кўрсатилган.

Банкнотнинг орқа томони чап қисмидаги оқ рангли сатҳда сув белгилари кўринади. Оқ рангдаги сатҳнинг юқори ва пастки қисмларида кўк ва бинафша рангда ишланган нақшинкор безаклар жойлашган бўлиб, пастки безак устида «10000» рақами акс эттирилган.

Банкнотнинг марказида Олий Мажлис Сенати меъморий биноси, бино гумбазининг тепасида Ўзбекистон Республикасининг рангли байроғи тасвирланган.

Тасвирнинг юқори чап бурчагида бир-бирини кесиб ўтувчи «10000» ва «SO‘M» ёзувлари мавжуд бўлиб, уларнинг тепасида банкнотнинг қиймати сўз билан «O‘N MING» кўрсатилган.

Пастки қисмида «O‘ZBEKISTON SO‘MINI QALBAKILASHTIRISH QONUNGA MUVOFIQ TA’QIB QILINADI» матни жойлашган.

Ушбу матннинг икки томонида «10000» рақамлари, шунингдек банкнотнинг энг юқори қисмида «O‘N MING SO‘M» ёзуви акс эттирилган.

“Замин” янгиликларини “Telegram”да кузатиб боринг
Мавзуга оид янгиликлар
  • Шавкат Мирзиёев Саудия Арабистонига боради 19 май, 07:36
  • Барча коммунал хизматлар бўйича Тошкент шаҳрининг 1055 марказий диспетчерлик хизмати ташкил этилади 05 апр, 20:30
  • Ўзбекистонда хусусийлаштирилган ва бўш турган 990 та объект учун 16,4 минг янги иш ўрни яратувчи лойиҳалар ишлаб чиқилди 04 апр, 07:58
  • Ўзбекистонда 10 минг сўмлик банкнот муомалада (Фото) 10 мар, 21:56
  • Наврўз арафасида очилиши режалаштирилган йўл қурилишидан (фоторепортаж) 09 янв, 17:03
  • Ашхободда «Марказий Осиё + Япония» мулоқоти йиғилиши бўлиб ўтади 23 ноя, 12:45
  • Сўнгги янгиликлар
  • Отабек Шукуров БАА Суперкубогини қўлга киритди 15 сен, 12:50 0
  • "Норвич" бош мураббийининг "Манчестер Сити"га қарши ўйин ҳақидаги ажойиб фикрлари 15 сен, 12:25 114
  • “Манчестер Сити” АПЛ дебютантига ютқазиб қўйди (видео) 15 сен, 11:59 135
  • Мессисиз “Барселона” ўзида “Валенсия”га бешта гол урди (видео) 15 сен, 11:35 137
  • Ургутда ўқитувчи аёл ўқувчи қизни урди (видео) 15 сен, 11:09 595
  • Спортчи югуришдан тўхтаб, жароҳат олган рақибини маррагача олиб борди (видео) 15 сен, 10:43 291
  • Бокс. Жаҳон чемпионатининг 7-кунида Миразиз, Дилшод ва Санжар рингга кўтарилади 15 сен, 10:16 195
  • Марказий Осиё давлатларининг Хитойдан қарзи қанча? 15 сен, 09:50 702
  • Зоиров қирғизистонлик, Қаҳрамонов эса бразилиялик боксчига қарши рингга кўтарилади 15 сен, 09:18 206
  • Сенат: Тўй-ҳашамлар қисқартирилади ва тартибга солинади 15 сен, 08:50 478
  • Бўлимлар