“Zamin”ni Telegramʻda oʻqing! Join!
Zamin.uz
, 29 2024, 02:17
ЎЗO‘Z

“Tadbirkorlarga ham valyuta ayirboshlash huquqini berish vaqti allaqachon kelgan” — Muxtor Umarov

03 dek, 21:21 2 281 Jamiyat
“Zamin”ni Telegramʻda oʻqing!
“Tadbirkorlarga ham valyuta ayirboshlash huquqini berish vaqti allaqachon kelgan” — Muxtor Umarov “Valyuta ayirboshlash shoxobchalarining dam olish kunlari ishlamasligi aholi, xususan tadbirkorlarga ham noqulaylik tug‘diradi. Bu tizimni erkinlashtirish vaqti allaqachon kelib bo‘lgan”, deydi O‘zbekiston iqtisodiyot assambleyasi raisi Muxtor Umarov.
Ijtimoiy tarmoqlarda valyuta ayirboshlash shoxobchalari dam olish kunlari ishlamasligi masalasi keng muhokama qilinmoqda, muammo yuzasidan turli fikrlar yangrayapti. O‘zbekiston iqtisodiyot assambleyasi raisi Muxtor Umarov Kun.uz’ga bergan intervyusida mazkur muammo tadbirkorlar uchun ham noqulaylik tug‘dirishini aytdi va yechimlardan biriga to‘xtaldi.

Valyuta ayirboshlashni erkinlashtirishimiz kerak. Xususiy sektorga ham chet el valyutasini almashtirish imkoniyatini berish kerak va allaqachon buning vaqti kelgan. Banklar dam olish kunlari ishlashni xohlamasa, marhamat, xususiy valyuta ayirboshlash shoxobchalariga yo‘l beraylik. Ular 24 soat ishlaydi. Hozir esa ular noqonuniy ishlamoqda. Undan ko‘ra, ularga qonuniy yo‘l ochib berish lozim. Bu ham tadbirkorlik. Chet elga chiqsangiz, har qadamda valyuta ayirboshlash shoxobchalari bor. Ular xususiy va erkin. Bizda ham buni xususiy sektorga o‘tkazilsa, o‘rtada erkin raqobat bo‘ladi.

Agar ularga litsenziya beriladigan bo‘lsa, soliq to‘lashadi va davlat budjetiga ham pul tushadi. Tadbirkorlar valyutani erkin almashtirishlari mumkin bo‘ladi. Ko‘p odamlar qonuniy ish bilan ta’minlanadi. Aholi dam olish kunlari valyuta almashtiriladigan joyni qidirib yurmaydi.

Masalan, yaqinda shanba kuni yonimizdagi bankka valyuta almashtiraman deb kirsam, “biz shanba-yakshanba kunlari ishlamaymiz, dushanba kuni keling”, deyishdi. Xodimlar yurishibdi, lekin bank operatsiyalari bajarilmaydi. Bankda hech kim yo‘q bo‘lsa, to‘g‘ri tushunsangiz bo‘ladi, lekin xodim bo‘laturib mijozlarga xizmat ko‘rsatmasligi xato
”, deydi u.

Muxtor Umarovga ko‘ra, bank tizimi “non-stop” rejimida, to‘xtovsiz ishlashi kerak.

G‘arb mamlakatlarini ko‘radigan bo‘lsangiz, texnologiyalar shunday rivojlanib ketganki, agar sizga bank kartasi kerak bo‘lsa, bankka borishingizga hojat yo‘q. Bank shanba-yakshanba yoki boshqa kunlarimi, farqi yo‘q, belgilangan vaqtda kartangizni sizga yuboradi. Bunday operatsiyalar raqamlashtirilishi kerak. To‘g‘ri, inson dam oladi, lekin xizmatlar to‘xtamasligi lozim.

O‘zbekiston hozir rivojlanish davrida. Mamlakat yuqori saviyadagi bank xizmatlariga o‘ta muhtoj. Bank sohasida qilinishi kerak bo‘lgan ishlar esa juda ko‘p. Bank instrumentlari va servislari ko‘ngildagidek emas. Bu tadbirkorlarni eng ko‘p qiynaydigan muammo va raqobat uchun to‘siq bo‘layotgan asosiy omil.

Qo‘shnilarimizda (davlatlar) bank xizmatlari bizga qaraganda 3 barobar arzon bo‘lsa ular bilan qanday qilib raqobatlashamiz
”, dedi Muxtor Umarov.

Avvalroq, Oliy Majlis Qonunchilik palatasi deputati Rasul Kusherbayev shanba kuni o‘zining Facebook'dagi sahifasida jonli efir o‘tkazib, banklarning valyuta ayirboshlash shoxobchalari dam olish kunlari ishlamasligi muammosini ko‘tardi. Deputat 50 dollarni qaytim bilan olish uchun qora bozordan almashtiradi va shanba-yakshanba kuni bank kassalari, ayirboshlash shoxobchalarini ishlatib qo‘ymagani uchun Markaziy bankni ayblaydi.

Iqtisodchi Otabek Bakirov bunga munosabat bildirib, deputatning tanqidi o‘rinli ekani, biroq dam olish kunlari valyuta ayirboshlash hajmi kam bo‘lishi va shoxobchalar faoliyati iqtisodiy jihatdan o‘zinini oqlamasligini bildirdi. U masalaning yechimi sifatida dam olish kunlari ishlaydigan shoxobchalarda kurslarni odatdagidan balandroq belgilash mumkinligini qayd etdi.

Yana bir iqtisodchi Behzod Hoshimov valyuta ayirboshlash huquqi faqat banklarga berilgani to‘g‘ri emasligi, bunday huquqni hammaga berish ham likvidlik berishi, ham raqobat ko‘p bo‘lgani uchun xizmat sifatini oshirishini ta’kidladi.

30 noyabr kuni Adliya vazirligi Rasul Kusherbayevning harakatlarini qonunni buzishga targ‘ib qilish deb baholadi. Vazirlik deputatning harakatlarini amaldagi qonunlarni “buzishga qaratilgan namoyishkorona harakatlar” deb atab, buni “qattiq qoralashi”ni bildirdi. Adliya vazirligining bu munosabati ijtimoiy tarmoqda tanqid qilindi.




Mavzuga oid yangiliklar
  • Mirziyoyev Xitoyning Shinjon-Uyg‘ur avtonom rayoni xalq hukumati raisi bilan uchrashdi 28 mar, 20:40 46
  • Qashqadaryo viloyatida sudya qo‘lga olindi 28 mar, 20:20 135
  • Jizzaxda energiya resurslaridan 7,5 milliard qarzdorliklar majburiy undirildi 28 mar, 19:31 34
  • Surxondaryoda YTHda haydovchi ayol va uning farzandlari halok bo‘ldi 28 mar, 19:08 219
  • Korrupsiya darajasi yomon va yaxshi bo‘lgan tashkilotlar e’lon qilindi 28 mar, 18:23 88
  • Toshkentda qalbaki dollarni sotishga uringan shaxslar qo‘lga olindi 28 mar, 17:17 34
  • So'nggi yangiliklar
  • «Krokus»dagi terakt ishi bo‘yicha yana bir kishi ushlandi 29 mar, 00:30 50
  • Nima uchun «Krokus»da kerakli pallada xavfsizlik kuchlari yo‘q edi? 29 mar, 00:11 58
  • Zelenskiy: “Agar snaryadlar yetarli bo‘lmasa, Ukraina Rossiya hujumini qaytara olmaydi” 28 mar, 23:45 48
  • Meksikadagi matbuot anjumanida butun jamoa ishtirok etib, muxlislardan uzr so‘radi 28 mar, 23:27 36
  • Mijozlarni 1,8 mlrd dollarga aldagan kriptovalyuta birjasi asoschisi 25 yilga qamaldi 28 mar, 23:04 33
  • Futzal. O‘zbekiston ikkinchi o‘yinda Qirg‘iz Respublikasini mag‘lub etdi 28 mar, 22:56 28
  • Superliga. “Dinamo” “Metallurg” ustidan irodali g‘alabaga erishdi 28 mar, 22:51 35
  • Nima uchun olimlar ayollarga vaqti-vaqti bilan yig‘lab turishni tavsiya qiladi? 28 mar, 22:22 33
  • Kirill Budanov: “Rossiya o‘z hududida terakt tayyorlanayotganini kamida bir oy oldin bilgan” 28 mar, 21:56 165
  • Yakuni mavhum bo‘lib borayotgan Ukraina urushi: tarixiy bashorat va yechimlar 28 mar, 21:29 274
  • Jahon banki: O‘zbekiston iqtisodiyotidagi gender tenglik 700 ming odamni kambag‘allikdan olib chiqishi mumkin 28 mar, 21:02 23
  • Mirziyoyev Xitoyning Shinjon-Uyg‘ur avtonom rayoni xalq hukumati raisi bilan uchrashdi 28 mar, 20:40 46
  • Bo‘limlar