"Roma" "Torino"ga qarshi kechgan qiyin o‘yinda minimal hisobdagi g‘alabaga erishdi va nihoyat, turnir jadvalining yuqori pog‘onasiga qaytdi. O‘yindan so‘ng rimliklar ustozi Joze Mourinyu OAV vakillari bilan uchrashib, turli savollarga javob qaytardi.E’tiborlisi, portugaliyalik murabbiy uchrashuvdagi yakuniy hisobdan mamnun bo‘lib, o‘z o‘yinchilariga yuqori baho berdi.
"Men shunday g‘alaba qozonishni yaxshi ko‘raman. Menga 5:0 hisobida g‘alaba qozonishdan ko‘ra minimal hisobdagi g‘alabalar yoqadi. Shunchaki, bunday vaziyatlarda jamoa haqiqatan ham bor kuchi bilan harakat qilgani, yagona maqsad uchun birlashgani tushuniladi", — dedi Mourinyu.