“Zamin”ni Telegramʻda oʻqing! Join!
Zamin.uz
, 05 2021, 10:58
ЎЗO‘Z

Burun bitishini yengillashtiruvchi 8ta chora

23 okt, 16:16 1 227 Hayot tarzi
“Zamin”ni Telegramʻda oʻqing!
Burun bitishini yengillashtiruvchi 8ta chora Foto: Getty Images
Tumov (burun bitishi va oqishi)ning sabablari ko‘p: O‘RVI va boshqa infeksiyalardan tortib, mavsumiy allergiya, gormonal o‘zgarish yoki haroratning keskin o‘zgarishigacha bo‘lgan holatlar. Ammo sabablariga qaramay, bu muammodan xalos bo‘lishning oddiy usullari bor.

1. Issiq choy iching
Yoki boshqa istalgan ichimlik. Muhimi u issiq bo‘lsin, biroq kuydiradigan darajada emas. Issiqlik va bug‘ burun-halqumda qon aylanishini kuchaytiradi. Natijada nafas olish yengillashadi.

2. Iloji boricha ko‘proq suyuqlik iching
Yuqoridagi banddan kelib chiqib, issiq yoki iliq ichimlik ichish kerak. Imkon bo‘lmagan taqdirda esa xona haroratidagi suvni ham ichish mumkin.

Agar organizmga suv yetishmasa, burun ham sog‘lom holatda bo‘lmaydi. Burundagi suyuqlik qurib qoladi va quyuqlashadi. Bu ham burun bitishiga olib keladi. Burundagi suyuqlik qotib qolganida virus va bakteriyalar uchun qulay muhit yuzaga keladi. Ya’ni kasallik uzoq davom etishi yoki shamollashga qaraganda yoqimsizroq ko‘rinish tus olishi mumkin. Masalan, gaymorit.

Suyuqlik ichsangiz, burundagi shilimshiq suyuqlik ko‘proq oqib, burun-halqumdagi viruslar va umuman burun bitishi hamda shamollashdan tezda xalos bo‘lasiz.

3. Ingalyatsiya qiling
Issiq bug‘dan nafas olish shamollash, jumladan, burun bitishini ham kamaytiradi va tuzalishni tezlashtiradi.

Healthline tibbiy resursi ingalyatsiyani quyidagi tartibda amalga oshirishni tavsiya qiladi:

Ingalyatsiyali suvga bir necha tomchi efir moylaridan ham qo‘shish mumkin. Evkalipt, yalpiz, choy daraxti, qarag‘ay – ta’bga ko‘ra shulardan birini tanlang.

4. Issiqqina dush qabul qiling
O‘zingizni tezda yengil his qilishni istasangiz, mana shu usul mos keladi. Ingalyatsiya yoki issiq choy kabi dush ham burun oqishini samarali to‘xtatadi va burun bitishini bartaraf etadi.

5. Burun uchun issiq kompress qiling
Issiq, biroq kuydirmaydigan haroratdagi suvda bo‘ktirilgan salfetkani burunga 2-3 daqiqaga kuniga 3-4 marta qo‘ying.

6. Burunni tuzli eritma bilan chaying
Tayyor tuzli aerozolni dorixonadan sotib olish yoki mustaqil ravishda tayyorlash mumkin. Retsepti oson: yarim choy qoshiq tuz va bir chimdim sodani bir stakan (240 ml) iliq suvga soling. Yoqimsiz belgilar butunlay yo‘qolguniga qadar kuniga 3-4 marta mana shu eritma bilan burunni chaying.

7. Tomirni toraytiruvchi burun sprey va tomchilaridan foydalaning
Ular shishishni bartaraf etib, burunda suyuqlik xosil bo‘lishini sekinlashtiradi. Natijani darhol his etish mumkin: nafas olish erkinlashadi. Biroq bu effekt vaqtinchalik: odatda bir necha soat davom etadi xolos.

Shuni yodda tutingki, bunday vositalarni 3 kundan ortiq ishlatib bo‘lmaydi. Aks holda yoqimsiz ta’sirlar kuzatilishi mumkin: muayyan vositaga o‘rganib qolishdan tortib (keyin tomirlar unga reaksiya qilmay qo‘yadi), burun shilliq qavatining yupqalashishi, medikamentoz rinit va boshqa yomon holatlar rivojlanishigacha.

8. Shifokorga boring!
Burun bitishi – alohida kasallik emas, u bor-yo‘g‘i bir belgi. Undan batamom xalos bo‘lish uchun esa kasallikni yengish kerak bo‘ladi. Buni professional shifokor – terapevt yoki tor doiradagi mutaxassis (lor, allergolog) nazorati ostida amalga oshirish samarali bo‘ladi.

Muhim eslatma: burun bitishining shunday turlari borki, ular shifokorga zudlik bilan murojaat etishni talab qiladi. Agar quyidagi holatlar kuzatilsa, shifokor ko‘rigiga boring yoki telefon orqali u bilan maslahatlashing:

Mana shu belgilar sizda rinitdan ko‘ra jiddiyroq kasallik bo‘lishi mumkinligidan darak beradi. Gap angina, gaymorit, jiddiy gormonal buzilishlar, bosh miya jarohatlanishi, bakterial zararlanishlar, jumladan, meningit va v h.klar haqida ketayotgan bo‘lishi mumkin.

Layfxaker saytidan tarjima qilindi.



Mavzuga oid yangiliklar
  • Turkiyalik olimlar issiq choyning xavfidan ogohlantirdi 05 apr, 22:45
  • Nima uchun burun bitadi va bunday vaqtda qanday uxlash mumkin? 25 mar, 20:00
  • Kimlarga choy ichish mumkin emas? 17 fev, 09:03
  • Xushta’m va foydali: Nima uchun ko‘k choy ichish kerak? 10 fev, 07:33
  • Kechasi yaxshi uxlash uchun qanday ichimliklar ichish kerak? 07 avg, 13:36
  • Koronavirusdan keyin qanday vitaminlarni ichish kerak? 06 avg, 08:22
  • So'nggi yangiliklar
  • Namanganda 15 yoshli qizlar o‘zganing kir mashinasini jabrlanuvchining uyidayoq sotib yubordi 05 dek, 10:16 0
  • O‘zbekiston 10 oyda 46 ta davlatga 153 mln dollarlik uzum eksport qildi 05 dek, 09:49 82
  • Bitta gol urish uchun Messi raqiblar darvozasi tomon nechta zarba yo‘llagan? 05 dek, 09:23 148
  • "Real" Vinisius va Yovichning gollari evaziga g‘alaba qozondi 05 dek, 09:00 226
  • "Inter"ga uchralgan mag‘lubiyatdan so‘ng Mourino hujumdagi shogirdlarini tanqid qildi 05 dek, 08:33 299
  • La Liga. «Barselona» o‘z maydonida «Betis»ga yutqazdi 05 dek, 08:15 275
  • O‘zbekistonda noyabr oyida o‘rnatilgan fotoradarlar to‘g‘risida ma’lumot berildi 05 dek, 07:52 354
  • AKT vaziri Qozog‘iston kompaniyalariga taklif bilan chiqdi 05 dek, 07:00 443
  • "Paxtakor" murabbiyi uchun bugungi final jamoadagi oxirgi o‘yinmi? - Piter Xyuistra 05 dek, 02:20 679
  • Ro‘ziqul Berdiyev o‘yin borasida o‘z fikrlarini bildirib o‘tdi 05 dek, 00:45 757
  • "Roma" o‘z maydonida "Inter"ga yirik hisobda yutqazdi, Shomurodov to‘liq o‘ynadi 05 dek, 00:42 817
  • Sapyorlar Erdo‘g‘an ishtirokidagi mitingda portlovchi qurilmani yo‘q qildi 05 dek, 00:37 720
  • Bo‘limlar