Toshkent shahrida 22 oktabr kuni MPL (Muradov Professional League) promoushenining dastlabki musobaqasi o‘tkazildi.MMA kechasining asosiy jangida Shohasan Mirzamatov va Aleksandr Yankovich o‘zaro to‘qnash keldi. Unda Mirmamatov ochkolar bo‘yicha serbiyalik raqibidan ustun keldi.
Yana bir asosiy jang Ramazon Temirov va Talgat Jumagaliyev o‘rtasida kechdi. Unda Temirov ochkolar evaziga qozog‘istonlik raqibidan revansh oldi.
MMA oqshomidagi 11 jangdan 7 tasi muddatidan avval yakunlandi. Musobaqada qayd etilgan natijalar:
Asosiy kard:
Shohasan Mirzamatov ochkolar bo‘yicha Aleksandr Yankovichdan ustun keldi;
Ramazon Temirov ochkolar evaziga Talgat Jumagaliyevni mag‘lub etdi;
Bogdon Guskov 1-raunddayoq Vadim Litvinni nokaut bilan yutdi;
Bobur Qurbonov 2-raundda Zaripbek Daniyarni nokautga uchratdi;
Shukir Sagnay ochkolar evaziga Bahodir Bakiyevni yengdi.
Prelim kard:
Islom Kamolov 2-raundda Bagish Zarmamatovni og‘ritish usuli bilan taslim etdi;
Jahongir Najmiddinov 3-raundda Kadir Dalkironni texnik nokaut evaziga yutdi;
Muhiddin Mamajonov 3-raundda Nurshat Auelbayevni nokautga uchratdi;
Umar Karimov raqibi Mederbek Kadiraliyevni nokaut bilan taslim qildi;
Mamatali Bayatsan ochkolar evaziga Murod Bakiyevni mag‘lub etdi;
Timur Salimov 1-raunddayoq Iskandar Saxvatshinni texnik nokaut bilan taslim qildi.