"Tolibon" yaqinda Afg‘onistondagi qizlarni o‘rta maktablarga borishga ruxsat berishini va’da qilmoqda. Bu haqda TASS YUNISЕF ijrochi direktori o‘rinbosari Umar Abdi bayonotiga asoslanib xabar berdi.Abdining aytishicha, "Tolibon" tayinlagan ta’lim vaziri unga toliblar barcha qizlarga oltinchi sinfdan keyin o‘qishni davom ettirishlari uchun ruxsat berish ustida ishlayotgani, yaqin orada buning aniq tartibi ma’lum qilinishini aytgan.
"Siz bilan gaplashayotganimda, o‘rta maktab yoshidagi millionlab qizlar ketma-ket 27 kun ta’lim olmadilar. Biz kutgan har bir kun, maktabga bormaydigan qizlar uchun yo‘qotilgan kundir", - deydi Umar Abdi.
Abdi, shuningdek, Afg‘onistonning 34 viloyatining beshtasi - Balx, Juzjon, Samangon, Qunduz va Uruzg‘on allaqachon qizlarga o‘rta maktabda o‘qishga ruxsat berganini ta’kidladi.