Odil Ahmedov O‘zbekiston milliy terma jamoasidagi faoliyatini yakunlaganidan so‘ng sardorlik bog‘ichiga kim munosibligi borasida hozirgacha bahs-munozaralar bo‘lmoqda.Bosh murabbiy bu ishni Eldor Shomurodovga topshirgan. Ammo aksariyat insonlar sardorlik bog‘ichini Jaloliddin Masharipovga berilishi lozimligini ta’kidlamoqda. Jumladan, O‘FA terma jamoalar bo‘limining sobiq boshlig‘i Aziz Haydarov ham.
U “Sport” telekanalidagi ko‘rsatuvda terma jamoa sardorlik bog‘ichiga kim munosibligi haqida gapirdi.
- O‘zbekiston milliy terma jamoasi sardori kim bo‘lishi kerakligi borasida hamma joyda gapirilmoqda. Men bu futbolchilaring ayrimlari bilan birga o‘ynaganman, ishlaganman, taniyman. Lekin fikrimcha, sardorlik bog‘ichini beriladigan ham, oladigan ham faqat Jaloliddin Masharipov, deb bilaman. Chunki uning gapini boshqalar eshitib, xulosa chiqarib, to‘g‘ri qabul qilishi mumkin. Biroq boshqa futbolchilarni bilmadim. Fikrimcha, Masharipov sardorlik bog‘ichini olsa, to‘g‘ri bo‘ladi, - dedi Aziz Haydarov.