Hyundai Motor kompaniyasi avtomobillarni ishlab chiqarish jarayonida hosil bo‘lgan chiqindilardan foydalangan holda Re:Style nomli yangi kiyim-kechak kolleksiyasi va aksessuarlarini taqdim etdi. 12 ta buyumdan iborat kolleksiya Hyundai’ning ekologiya haqida qayg‘urishini ifodalaydi. Kolleksiya namoyishlari Seul va Parijda bo‘lib o‘tgan, L’Eclaireur va Boontheshop butiklarida cheklangan tirajda sotilmoqda, deb xabar beradi Motor.2021 yilda dizaynerlar Re:Style uchun kiyim-kechak va aksessuarlarni yostiqcha va xavfsizlik kamaridan tikkan, shuningdek, Ioniq 5’ning intererini qoplashda ishlatilgan qayta ishlangan tola va bio-RЕT (o‘simlikdan olingan monoetilenglikolli termoplastik, qazib olinadigan xom ashyo emas) o‘simlik xom ashyosidan foydalangan. Kompaniyadagilarning ta’kidlashicha, noodatiy «mato»dan tikilgan kiyimlari yemirilishga bardoshli, kolleksiyaning o‘zi ikkilamchi xom ashyodan foydalanishning yangi imkoniyatlarini ochib berishga xizmat qiladi.
Re:Style 12 ta buyumdan iborat: sport shortisi, xudi, svitshotlar, shorti va shimlar. Butiklarda kolleksiya ikki haftagina sotiladi — 28 oktabrga qadar — L’Eclaireur va Boontheshop saytlarida esa 10 noyabrgacha sotiladi. Savdolardan tushgan mablag‘ni Hyundai eko-loyihalar, xususan, avtomobilga taalluqli bo‘lmagan sohalarni rivojlantirishga yo‘naltiradi.
