Foto: «Domashniy Ochag»Pishirish jarayonidagi arzimagan kamchilik va xatolar tovuq go‘shtining mazasiga ham ta’sir qilmay
qolmaydi.
Bo‘laklarning kattaligiGo‘sht bo‘lagining usti qizarib pishgan bo‘lsa ham ichi yaxshi pishmay qolishi mumkin. Xom mahsulotni iste’mol qilgandan keyin salomatlikda bir qancha muammolar kuzatiladi.
Butunligicha qovurishHech qachon tovuq go‘shtini butunligicha qovura ko‘rmang. Avval ikki, uch bo‘lakka bo‘lib oling. Shunda ichlari bilan bir xil pishadi.
NamlikQizib turgan yog‘ga solib qovurishdan avval tovuq usti nam bo‘lmasligiga e’tibor qarating. Haddan ortiq nam go‘sht unga burkalgan taqdirda ham yaxshi qovurilmaydi.
Tovuqni talqon yoki unga ikki karra burkangBunda qovurish davomida go‘sht bo‘kib qolgandek pishadi. Bundan qochish uchun quyidagi uslubdan foydalaning:
- ziravorlar qo‘shib aralashtirilgan talqon yoki unni paketga soling;
- bo‘laklarga bo‘lingan tovuq soling;
- paketni yaxshilab yopib, silkiting.
Noto‘g‘ri tanlangan idishHatto 100 kishiga tovuq qovurishingiz kerak bo‘lsa ham, uni kastryulka boshqa chuqur idishda pishirmang. Faqatgina tovada qovurish davomida ko‘ngildagidek ko‘rinishga ega bo‘lish mumkin.
Noto‘g‘ri qovurishQizib turgan yog‘ga solganda tovuqni teri bilan qoplangan tarafini pastga qarashiga e’tibor bering.
Noto‘g‘ri haroratTovuqni tovaga solishdan avval yog‘ yaxshilab qiziganiga e’tibor qarating. Boshida yog‘ning issiqlik darajasi 180 daraja keyinroq esa 140-150 daraja bo‘lishi kerak.
Birdaniga hammasini solib qovurishBo‘laklarga bo‘lingan tovuqni birdaniga emas, alohida-alohida qovurganingiz yaxshi. Orasida joy bo‘lishi ikkinchi tomonini aylantirishning oson bo‘lishiga yordam beradi. Qolaversa, zich terilgan bo‘lsa yog‘ harorati tushib, tovuqdan suyuqlik ajralishadi va qovurilish o‘rniga bo‘kib pishadi.
Tovaning ustini yopmaslikQopqog‘i yopilganda yog‘ning harorati bir maromda bo‘ladi va bu go‘shtning ko‘ngildagidek pishishiga hissa qo‘shadi.
Darhol dasturxonga tortishPishganidan keyin tovuq bo‘laklarini qog‘oz sochiq ustiga terib, tinishini kuting. Bu ichidagi sharbati teng tarqab, usti sovishi uchun kerak.