“Zamin”ni Telegramʻda oʻqing! Join!
Zamin.uz
, 26 2021, 20:27
ЎЗO‘Z

Yangi-Angren IES boshqaruv kompaniyasi stansiyadagi portlashning sababini ma’lum qildi

24 yanv, 09:00 1 379 Jamiyat
“Zamin”ni Telegramʻda oʻqing!
Yangi-Angren IES boshqaruv kompaniyasi stansiyadagi portlashning sababini ma’lum qildi 2021 yil 20 yanvar kuni Yangi-Angren issiqlik elektr stansiyasida sodir bo‘lgan favqulodda vaziyat to‘g‘risida stansiya boshqaruv kompaniyasi Kun.uz’ga ma’lumot taqdim etdi.

“2021 yil 20 yanvar kuni soat 11:30 da «Energoqozontozalash» mas’uliyati cheklangan jamiyati xodimlari tomonidan Yangi-Angren issiqlik elektr stansiyasi 5-qozon agregatining 12,0 metrlik belgisida kulni kimyoviy tozalash paytida, ko‘mir-kukun aralashmasining chaqnashi yuzaga keldi, natijada uch kishi halok bo‘ldi, yana uch kishi turli darajada kuyish jarohati olgan. Ushbu 5-qozon agregati vaqtincha to‘xtatilgan va u kimyoviy tozalanayotgan paytda qozon tozalovchilarning texnika xavfsizligi qoidalariga rioya etmaganligi ana shunday ayanchli oqibatlarga olib keldi.

Ushbu turdagi profilaktika ishlari ko‘mir yoqiladigan barcha elektr stansiyalari va qattiq yoqilg‘i pechlari o‘rnatilgan og‘ir sanoat korxonalarining to‘xtatilgan uskunalarida yong‘inlarning oldini olish maqsadida amalga oshiriladi va bu vazifani korxonaning o‘zi yoki shartnoma asosida ixtisoslashgan pudrat tashkilotlari bajaradi.

Chaqnash oqibatida vafot etganlar «Vostokenergoteploizolyatsiya» MCHJning ishchilari bo‘lib, ushbu korxona issiqlik izolyatsiyasi va astar ishlarini bajarish bo‘yicha pudratchi ixtisoslashgan kompaniya, xodimlari qozon qoplamasidagi nuqsonlarni bartaraf etish bo‘yicha mutaxassislar hisoblanadi. Kuyish jarohati olganlar “Energoqozontozalash” MCHJ qozon tozalovchilaridir.

20 yanvar kuni ikki tomonlama shartnoma asosida ishlayotgan qozon tozalovchilarga qozon-turbina sexining 30-sonli farmoyishi bilan xavfsizlik choralari ko‘rilgan holda soat 9:30da to‘xtatilgan qozon agregatining 12,0 metrlik belgisida profilaktika ishlari olib borishga ruxsat berilgan.

«Vostokenergoteploizolyatsiya» MCHJ ishchilari ham qozon-turbina sexining 31-sonli farmoyishi bilan soat 10:30da qozon agregatining 48,0 metrlik belgisida profilaktika ishlari olib borishga kirishgan. Taassufki, texnika xavfsizligi qoidalarining qo‘pol ravishda buzilishi oqibatida «Vostokenergoteploizolyatsiya» MCHJning uch xodimi halok bo‘ldi, “Energoqozontozalash” MCHJning turli darajada kuyish jarohati olgan uch nafar xodimiga birinchi tibbiy yordam ko‘rsatilib, ular eng yaqin bo‘lgan shahar markaziy kasalxonasiga yetkazildi.

Ayni paytda mazkur holat yuzasidan Jinoyat kodeksining 257-moddasi 2-qismi “a, b” bandlari bilan jinoyat ishi qo‘zg‘atilgan bo‘lib, Angren shahar prokuraturasi tomonidan tergovga qadar tekshiruv harakatlari olib borilmoqda. Uning natijalari haqida qo‘shimcha ma’lumotlar taqdim etiladi. Shu munosabat bilan fuqarolardan ijtimoiy tarmoqlarda yolg‘on ma’lumotlar tarqatmasliklari so‘raladi.

“Yangi-Angren IES” aksiyadorlik jamiyati tomonidan vafot etganlarning oila a’zolariga qo‘shimcha ravishda 105 million so‘mdan moddiy yordam ko‘rsatildi. Tashkilotning tegishli normativ-huquqiy hujjatlariga asosan, bunday moddiy yordam yana qo‘shimcha (to‘liq) ravishda amalga oshiriladi. Hozirda ularning oila a’zolari holidan xabar olib turilibdi. Tashkilot tomonidan moddiy va ma’naviy yordam ko‘rsatilishi, shuningdek, boquvchisiz qolgan oilalarning ishga yaroqli va ishsiz a’zolari ish bilan ta’minlanadi.

“Yangi-Angren IES” aksiyadorlik jamiyati fidoyi energetiklarning vafoti munosabati bilan marhumlarning oila a’zolari va yaqinlariga chuqur ta’ziya izhor etadi. Vafot etgan xodimlarning yorqin xotirasi energetiklar qalbida doimiy saqlanib qoladi” – deyiladi taqdim qilingan ma’lumotnomada.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Yangi-Angren IESdagi portlagan sexning rahbari o‘zini osib qo‘ydi 23 yanv, 21:00
  • Yangi-Angren IESda portlash sodir bo‘ldi 20 yanv, 17:50
  • 2021 yilda quvvati 100 megavatt bo‘lgan ikkita quyosh elektr stansiyasi quriladi 17 yanv, 11:37
  • Energetika vazirligi: 2021 yilda 9ta yangi elektr stansiyasi ishga tushiriladi 15 yanv, 21:37
  • «Yangi Angren» IESda yong‘in ro‘y berdi (video) 30 yanv, 17:30
  • Saudiya Arabistoni kompaniyasi O‘zbekistonda issiqlik va shamol elektr stansiyalari quradi 22 sen, 20:45
  • So'nggi yangiliklar
  • O‘zbekistonda dollarning rasmiy kursi yana pastladi 26 fev, 19:47 19
  • Fuqaro foydasiga yetkazilgan zarar undirildi 26 fev, 19:46 21
  • O‘runovni “Spartak”da Tedesko “sindirgani" rostmi? 26 fev, 19:14 74
  • 106 millionlik parfyumeriya vositalari manziliga yetib bormadi 26 fev, 18:53 79
  • "Stranja". Shahobiddin Zoirov kutilmaganda mag‘lubiyatga uchradi 26 fev, 18:41 276
  • Bojxonachilar salkam 56 mln. so‘mlik dorilarning yashirin savdosiga chek qo‘yishdi 26 fev, 18:30 103
  • Vagonlarda yashirilgan kontrabanda predmetlari fosh bo‘ldi 26 fev, 18:06 148
  • Salkam 1 milliard 322 million so‘mlik qing‘irlikka chek qo‘yildi 26 fev, 17:43 178
  • Prezident yangi qonunni imzoladi 26 fev, 17:20 674
  • Avtomobilni ijaraga olishda firibgarlardan qanday himoyalanish mumkin? 26 fev, 16:45 240
  • O‘zbekistondagi sovuq ob-havo qachon chekinadi? 26 fev, 16:14 797
  • Rossiyalik diplomatlar Shimoliy Koreyani motorsiz temir yo‘l vagonida tark etdi (foto, video) 26 fev, 15:46 703
  • Bo‘limlar